زَمنا كِضِب ، جوع وكُجُور [الأرشيف] - منتديات منطقة الحلاوين

مشاهدة النسخة كاملة : زَمنا كِضِب ، جوع وكُجُور

OMRAN SALAH

17-10-2011, 03:22 PM

مشعل الطيب الشيخ

19-10-2011, 10:36 AM

عزيزى الدوش ، مساء الخير

صباح النور
شدرنا نشف
بيوتنا قبور
حِلم العافية بات مطمور
صبحت سور
سقتنا الريح ، غبار عتمور
زمنا كضب ، جوع وكجور
شرقنا الخوف ،!!
غلينا الشوف
فى عز النور

(الاستاذ الشاعر هاشم صديق فى رثائية الشاعرعمر الطيب الدوش )

عزيزى عمران
زمن الزيف هذا قد طال حتى بتنا نشك فى المستقبل
واعترانا اليأس وسط كل هذا البؤس
وبت أؤمن بعد طول إنتظار
أن مشكلة هذا السودان هو أنه ملئ بكل هؤلاء السودانيين
وبأننا فى حاجة إلى جينات جديدة
كل التحايا ,,

بخيت ابراهيم بخيت

19-10-2011, 12:04 PM

الأخ عمران
نشكر لك لأبداعاتك
ونرحب بقلمك الراقي
لك الود

هند عثمان عبدالله

19-10-2011, 12:36 PM

..زمنا كضب،جوع وكجور..

اخوانى كثيرا ما نتذمر ونرمى بسوء حالنا وتقلب مزاجنا إلى الزمن والدهر وهناك حديث صريح يشير إلى أن سب الدهر فيه سب لله ، فاذا كان سب أصحاب الرسول صلى الله عليه وسلم كفرقال (عليه السّلام) : « من سبني فاقتلوه ، ومن سب أصحابي فقد كفر » فما بالك بسب صاحب الجلالة والعياذ بالله قال رسول الله (صلّى الله عليه وآله) : « لا تسبوا الدهر فإن الدهر هو الله ولا تسبوا السلطان فإنه فيء الله في أرضه ولا تسبوا الأموات فتؤذوا الأحياء ولا تسبوا الأموات فانهم قد أفضوا إلى ما قدموا »
أحببت المداخلة للتنويه

OMRAN SALAH

20-10-2011, 08:22 AM

عزيزى عمران
زمن الزيف هذا قد طال حتى بتنا نشك فى المستقبل
واعترانا اليأس وسط كل هذا البؤس
وبت أؤمن بعد طول إنتظار
أن مشكلة هذا السودان هو أنه ملئ بكل هؤلاء السودانيين
وبأننا فى حاجة إلى جينات جديدة
كل التحايا ,,

مشنوقَهْ من عينيهَا

في الساحات وتضْحَك في زمن مسموم

ولسَّه بترقُد الخرطوم تبيع أوراكْها للماشين

تَطِل من فوق عماراتهْا وتَلِز اطفالهْا في النيلين

وترجع للرُقاد تاني اشوفك في جواب تاني

مشيتْ اتمشَّى فوق همكََ

وصلْني جوابك التاني يحيض الغيم على سطوركَ

يقطِّر من سماكْ دمّك بشوف في جوابك التانى

مُدُن مبنيّةْ متكيّهْ بتمْرُق من شبابيكا

عيون برموشَهْ مطفيَّهْ شَرَك لي كُلِّ قُمريَّهْ

وأماني كتيرَهْ مخصيَّهْ شوارع بالنهار والليل

مدبّسَهْ بالحراميَّهْ معلّقَهْ في صدور الناس

كلاب اسنانْها مبريّهْ

على مرِّ السنين تحْسب شهور أيامها عِبريّهْ

مشيتْ اتمشَّى فوق همّك وصلْني جوابك الدمّك ......

(الدوش)

إذن هو حال الوطن والمواطن الغلبان
زى كأنوا نحتاج الى معجزة حتى تُحرك ما مات فى جوف الإنسان السودان
لكن ستأتى الرياح بما نشتهى وأكثر عزيزى د\ مِشعل .

لك الود والتقدير

OMRAN SALAH

20-10-2011, 08:25 AM

الأخ عمران
نشكر لك لأبداعاتك
ونرحب بقلمك الراقي
لك الود
وبدورى أشكر حسن تذوقك الراقى
ومروك السمح بالحيل ..

بنان مُظهر محمد الطيب

20-10-2011, 08:26 PM

نعيب زماننا و ما لزماننا عيب سوانا
اقول ليكم نحنا عايشين في زمن صعب و كل الناس في حالة ضيق و تشؤم
بس انا متأكده ما في حاجه بتفضل على حاله و حده
و قد حان زمن التغيير و حنشوف السودان في سماء العز قريبا ً(بإذن الله تعالى).

OMRAN SALAH

02-11-2011, 12:02 PM

.
أحببت المداخلة للتنويه
كتر خيرك
وشكراً على المرور

OMRAN SALAH

02-11-2011, 12:04 PM

و قد حان زمن التغيير و حنشوف السودان في سماء العز قريبا ً(بإذن الله تعالى).
ومعك نترقب وننتظر
وافر التقدير على المرور