يعني مانوم ولاشنو ياناس الادارة

[منتصر احمد ابوعاقله]

تذكرت ايام الانقاذ الاولى ، فكل مايدخل يوم جديد ، والناس تمشي للشغل او الاسواق او المدارس والجامعات ، يلقوا ليك الدنيا كلها لوحات ولافتات جديدة ، شي ايات (وَاعْتَصِمُوا بِحَبْلِ اللَّهِ جَمِيعاً وَلا تَفَرَّقُوا) ، (الذين إن مكناهم في الأرض أقاموا الصلاة وآتوا الزكاة وأمروا بالمعروف ونهوا عن المنكر ولله عاقبة الأمور) صدق الله العظيم ، وشي احاديث وشي مجمعات مجمع شنو كده الاسلامي وشركة شنو كده الاسلامية ومجمع منو كده الاسلامي ، لدرجة عندي خالي ساخر شديد قال لي يعني مانوم ولا شنو ، الواحد خايف بكرة يقوم من النوم يلقى محل التمباك عليه لوحة مكتوب فيها تمباك عبد الخير الاسلامي .
فهسي ياناس الادارة مانوم ولاشنو المنتدى كل يوم في جديد
الشكر كل الشكر للاخوان في الادارة ، ونقول ليهم ربنا يوفقكم لمايرضي جميع الاعضاء ، والارتقاء بالمنتدى الذي نفاخر به ، ونعلم الجهود التي تبذلوها في سبيل ذلك ، بالرغم من مشغولياتكم الخاصة ، لكم منا الشكر اجزله وبالتوفيق انشاء الله .

[د. عبدالله إبراهيم علي أحمد]

وبعدين أوعه تنسى صاروخ الكيف الإسلامي.

[صديق الماحي]

أعتقد الموقع بوظوه ناس الحكومة
الناس ديل أذكياء جدا فى الخراب
مافى ناس مؤهلين فى السودان فى الوقت الحالى الا الحلاوين
عارفين الحلاوين متخصصين فى ذبح المفتش والمامور

[محمد خالد]

ناس الحكومة ديل يعملوا الظلط ويشغلوا مصنع النسيج /الحصاحيصا
وبعد دا مبروك عليهم باقى السودان
ودى

[منتصر احمد ابوعاقله]

وبعدين أوعه تنسى صاروخ الكيف الإسلامي.
تعرف يادكتور في سودانا مافي اي وسطية ، يعني تقوم تمشي الحكومة دي ويجوا الجماعة الطيبين ، تلقى كل حاجة بقت علماني ، يعني عادي جدا ممكن تلقى صاروخ الكيف العلماني ، او مجمع جيفارا الحديث .

[منتصر احمد ابوعاقله]

أعتقد الموقع بوظوه ناس الحكومة
الناس ديل أذكياء جدا فى الخراب
مافى ناس مؤهلين فى السودان فى الوقت الحالى الا الحلاوين
عارفين الحلاوين متخصصين فى ذبح المفتش والمامور
الاخ العزيز الصديق تحية واحترام
الناس ديل فعلا اذكياء ولايمكن ان يقدموا على خطوه كهذه ، لان المنتديات تعتبر وسيلة تنفيس ، كل واحد يجي يصب جام غضبه وثورته ويرتاح ، الا ترى ذلك في عدم قيام الثورات في السودان بالرغم من انها عمت كل الدول ، لانهم اذا ارادوا ذلك سوف يحجبوا المنتدي بكامله بدلا من اختراقه وتخريبه .

[منتصر احمد ابوعاقله]

ناس الحكومة ديل يعملوا الظلط ويشغلوا مصنع النسيج /الحصاحيصا
وبعد دا مبروك عليهم باقى السودان
ودى
ياباشمهندس بالجد انت راجل حربي وعملي كمان .

[OMRAN SALAH]

الحبيب منتصر
سلامات
النايم ليها شنو ؟ :)

[شمس الدين بشرى]

من رحم المنام ولد حلم صفحات طازجة بالمنتدى ..!

[بشير ادريس محمد احمد]

خليكم صاحيين الجايات اكثر وما معروف شنو .........