يا إيدي .... شيليني ؟!‏

[الطيب الطاهر الشيخ]

آآه.. ياحليل زمان ، كل شئ بطعمه الحقيقي ‏(‏ الخضار الفواكه اللحم اللبن الناس يا ناس ال... وعيييك)‏ كل شئ إتغير وصار غير ،حتي العادات والتقاليد ، وهذا لب الموضوع . العديد من عاداتنا وتقاليدنا مازالت محافظه ومتداوله وسارية المفعول، ولكن الغالبيه الغالبه إختفت وإندثرت بعدة عوامل منها عامل الزمن أو الصلاحية منها التغير في الدواخل الإنسانيه و و و[/i][/b][/size][/color][/color][/color]. فقط ما أريد رأيكم فيه هو مامدي تأثير الرجل والمرأه علي إستمرار العادات من إختفاءها ؟ وأيهما صاحب التأثير الواضح،ودمتم 

[الطيب الطاهر الشيخ]

نحن في إنتظار أرائكم

[عمر محمد أرباب]

لا يمكن تحديد تغير العادات نسبة إلى نوع عنصر الكائن البشري ... فما يحدث نتاج لتفاعلات مختلفة ربما يكون أكثرها خارجي ... أعتقد أن السؤال الصحيح أيهما أكثر تأثيراً على تغير العادات الوافد الخارجي أم المكون الداخلي ؟؟؟ ولا نعتقد أن النظرة السالبة إلى ما يحدث نظرة صائبة ... فما يحدث نتاج طبيعي وحتمي لتطور الحضارة والمدنية ... وينبغي أن التفكير في كيفية إستثمار هذا التطور دون التأثير على القيم الفاضلة ... فالبكاء على المورثورات يجب ألا يسبق التفكير في قيمتها وصلاحيتها ... فقدمها فقط لا يعطيها الحق في الإستمرار ...

ولنا عودة ...

[رباب احمد]

العادات والتقاليد الموروثة الرائعة والجميلة يجب على الرجل والمرأة غرسها في نفوس الأبناء حتى تستمر في النمو ولا تُبتر نهائياً... أما الأشياء التي لا معنى لها فيجب محاربتها والتصدي لها هذا إذا حدث ولم تقضي على أخضرها ويابسها حمى الاستلاب الثقافي التي اجتاحتنا..

[عبيد عبدالرحيم ودالجعلى]

يا حليل ناس زمان0 فهم بالنسبة لنا المستودع الحقيقى لهذه العادات والتقاليد وانا
شخصيا ارى كل شى جميل قد ذهب معهم0 واما ما تبقى من عادات وتقاليد قد
شابها الكثير من التغييروخصوصا مع ما يسمى بالعولمه لانها دخلت فى ادق
تفاصيل حياتنا اليومية وهذا ما ترتبت عليه ردت الفعل الحاصلة الان وهى
السرعة فى كل شى0
واخيرا اتمنى ان تظل عاداتنا وتقاليدنا السمحة على ما هو عليه وان نحافظ
على ما تبقى منها من الاندثار0 وهذا فى المقام الاول مسئولية الجميع وليس
الرجل او المراة وحدهما0 ولا سيما نحن الشباب 0

[الطيب الطاهر الشيخ]

لا يمكن تحديد تغير العادات نسبة إلى نوع عنصر الكائن البشري ... فما يحدث نتاج لتفاعلات مختلفة ربما يكون أكثرها خارجي ... أعتقد أن السؤال الصحيح أيهما أكثر تأثيراً على تغير العادات الوافد الخارجي أم المكون الداخلي ؟؟؟ ولا نعتقد أن النظرة السالبة إلى ما يحدث نظرة صائبة ... فما يحدث نتاج طبيعي وحتمي لتطور الحضارة والمدنية ... وينبغي أن التفكير في كيفية إستثمار هذا التطور دون التأثير على القيم الفاضلة ... فالبكاء على المورثورات يجب ألا يسبق التفكير في قيمتها وصلاحيتها ... فقدمها فقط لا يعطيها الحق في الإستمرار ...

ولنا عودة ...
الرائع عمر لك جزيل شكري علي المرور، أولا أنا لست ضد العولمه والتقدم الحضاري ومن أنصار التجديد في كل شئ، لكن هذه المدخلات لو كانت خصما علينا فهل سترحب بها؟لا أظن ذلك، أقله يا سعاده ماجنيناه من نتاج لوازم التقدم الحضري هو فقدان الحنيه وإزدياد منسوب الجفاء حتي علي المستوي الأسري،وربنا يحفظ الجميع

[الطيب الطاهر الشيخ]

العادات والتقاليد الموروثة الرائعة والجميلة يجب على الرجل والمرأة غرسها في نفوس الأبناء حتى تستمر في النمو ولا تُبتر نهائياً... أما الأشياء التي لا معنى لها فيجب محاربتها والتصدي لها هذا إذا حدث ولم تقضي على أخضرها ويابسها حمى الاستلاب الثقافي التي اجتاحتنا..

الأخت رباب تحياتي لك ،فحقيقة غرس الجميل في فلذات الأكباد في هذا الزمن يعد من أصعب الأمور لماذا؟ لأن الشارع والفضائيات وإتباع الموضات والإستايلات دورها التربوي صار أكبر من دور الأباء والأمهات،ياربي ألطف بينا

[الطيب الطاهر الشيخ]

يا حليل ناس زمان0 فهم بالنسبة لنا المستودع الحقيقى لهذه العادات والتقاليد وانا
شخصيا ارى كل شى جميل قد ذهب معهم0 واما ما تبقى من عادات وتقاليد قد
شابها الكثير من التغييروخصوصا مع ما يسمى بالعولمه لانها دخلت فى ادق
تفاصيل حياتنا اليومية وهذا ما ترتبت عليه ردت الفعل الحاصلة الان وهى
السرعة فى كل شى0
واخيرا اتمنى ان تظل عاداتنا وتقاليدنا السمحة على ما هو عليه وان نحافظ
على ما تبقى منها من الاندثار0 وهذا فى المقام الاول مسئولية الجميع وليس
الرجل او المراة وحدهما0 ولا سيما نحن الشباب 0
أخوي عبيد سلامي ليك ، موروثاتنا وعاداتنا السمحه بقت زي شليل وين راح وشليل وينو؟ وزي ماقلت الإ نتمني بس لانه صعب محاربه إجتثاث الجميل

[شمس الدين بشرى]

آآه.. ياحليل زمان ،
يازمن وقف شــويه ..!

[الطيب الطاهر الشيخ]

يازمن وقف شــويه ..!

وجأئي تفتش الماضي . شمس حبابك

[صديق الماحي]

لماذا لا نحدد اولا العادات الجميلة التى اندثرت ؟
ثم نحدد السبب فى اتدثارها وطرق عودتها

[الطيب الطاهر الشيخ]

لماذا لا نحدد اولا العادات الجميلة التى اندثرت ؟
ثم نحدد السبب فى اتدثارها وطرق عودتها

دا الكلام السمح الأخ صديق ،تحياتي لك

[وجدان حسان عبد الله محمد]

زمان سمعنا من امهاتنا وحبوباتنا انو (الجار قبل الدار) مقولة كان الكل يؤمن بها .. يعني الواحد لم يجي يشتري بيت ولا يأجر تلاقي الوصية الأولي والأخيرة ليهو .. اعرف جيرانك أول عشان لو كويسين اكيد البيت كويس ...

وزمان كنا بنعرف انو راجل الجيران هو ابو الكل صغير وكبير بيحترم كلامو موش هسع لو واحد من الجيران سال ليهو بت ولا ولد من اولاد جارو انت ماشي وين ولا عملت كده ليه الرد حيكون اكيد انت مالك ومالي وتحصل الشكلة ويجو الاهل والمؤسف انو والد ولا والدة الولد ولا البت يقول للراجل يا اخي انت مالك ولدي وانا حر ...

وين ياجماعة عاداتنا السمحة ولمت الجيران الببقو ذي الاهل (جارك القريب ولا ود امك البيعيد) واكتر .. لو جاك الفرح ولو جاك الكره بتلاقي جارك هو أول زول معاك ..

الان بتلاقي كتير من الجيران مابعرفو حتي اسم جارهم دا منو ؟؟؟ الا يسمع بالصدفه انو في ناس رحلو في البيت البابو بيجي ولا ناس البيت البابو اسود رحلو ليهم شهر مشو وين مابعرف ..

والله فلانه جارتنا ديك قالو ولدت وولده مات ... مابتكون الجاره اللصيقه ليها سمعت حتي بالكلام دا الا بعد مرور اسبوع او اتنين ولم تمشي اول شئ تلقاها بتاعين في البيت وفرش البيت ولا بيخصها الشئ الهي جاءت عشانو من الاصل ..


المهم الا انا دايره اقولو وين صلة الجيران الحبان البيقيفو معاك والبربو جناك ويتربي معاهم وين (النفاج والبيت الوسيع واللمه التي ربت جنا المحتاج) وين ياجماعة عاداتنا السمحة

ولا كمان ياربي دا مرض جديد من امراض العصر دا (انفلونزا الطيور - جنون البقر -..............................الخ وكمان جفاء الجيران )

وفي عادة جميلة برضو بقت ما زي زمان لما كان تكون في مناسبة كانت كل النسوان

الفي الحي او في الاهل يبيتوا في بيت المناسبة وينضفوا الخضار ويفتحن الفطير ويخبزن

الخبيز والكل بيتم الناقصه ومنظر كل واحدة جايه على بيتها وجايبه ليها شي داساهو

تحت توبها عشان ما تحرج جارتاها التانيات وبالذات ست المناسبه تتم الناقصه وتستر الحال

الليله بقا كل شي جاهز من كافة مجاميعه ايجار للشاي وايجار لغسيل العدة

وين لمت اولاد الجيران شباب الحي وهم بيجيروا بيت المناسبة وبيدقوا الخيمة

وين لمت بنات الجيران والاهل ينضفن ويجيهن بيت المناسبة وين قعدت العروس في بيت

خالتها او اماتها أو جاراتها الليله بقت بس كوفيرات مالو سمح التطور لكن ما ننسا قديمنا
مسئولية رجوع عاداتنا السمحة دي مسئولية الجميع

[ابوعلامه عبدالله الصافي]

لا يمكن تحديد تغير العادات نسبة إلى نوع عنصر الكائن البشري ... فما يحدث نتاج لتفاعلات مختلفة ربما يكون أكثرها خارجي ... أعتقد أن السؤال الصحيح أيهما أكثر تأثيراً على تغير العادات الوافد الخارجي أم المكون الداخلي ؟؟؟ ...
اعتقد ان السؤال هو ايهما اكثر تاثرا بثقافة الوافد الخارجي الرجل ام المرأة ؟؟؟؟وانا في رأي المتواضع أعتقد بان المرأة اكثر تاثرا بثقافة الوافد الخارجي وحتي التاثير الداخلي من اعوجاج في سلوك العادة والتقاليد والتفاخر والفشخرة الفاضية
ولنا عودة ...

[الطيب الطاهر الشيخ]

وين ياجماعة عاداتنا السمحة ولمت الجيران الببقو ذي الاهل (جارك القريب ولا ود امك البيعيد) واكتر .. لو جاك الفرح ولو جاك الكره بتلاقي جارك هو أول زول معاك ..



المهم الا انا دايره اقولو وين صلة الجيران الحبان البيقيفو معاك والبربو جناك ويتربي معاهم وين (النفاج والبيت الوسيع واللمه التي ربت جنا المحتاج) وين ياجماعة عاداتنا السمحة



وفي عادة جميلة برضو بقت ما زي زمان لما كان تكون في مناسبة كانت كل النسوان



وين لمت اولاد الجيران شباب الحي وهم بيجيروا بيت المناسبة وبيدقوا الخيمة

وين لمت بنات الجيران والاهل ينضفن ويجيهن بيت المناسبة وين قعدت العروس في بيت

خالتها او اماتها أو جاراتها الليله بقت بس كوفيرات مالو سمح التطور لكن ما ننسا قديمنا
مسئولية رجوع عاداتنا السمحة دي مسئولية الجميع الرائعه وجدان التحايا أجلها مرسله لك أولا علي مرورك وثانيا علي ما أذهبت فيه من رد، فقد تطرقت لأمور جد مهمه وفي نظري هي أساس استمراريه العادات والتقاليد السمحه الأ وهي علاقة الجار بالجار ، وكلنا عارفين أهمية الجار حتي ديننا يوصي به ويشدد في الوصاية عليه ،اللهم إحفظنا وأحفظ كل جميل

[الطيب الطاهر الشيخ]

وين ياجماعة عاداتنا السمحة ولمت الجيران الببقو ذي الاهل (جارك القريب ولا ود امك البيعيد) واكتر .. لو جاك الفرح ولو جاك الكره بتلاقي جارك هو أول زول معاك ..



المهم الا انا دايره اقولو وين صلة الجيران الحبان البيقيفو معاك والبربو جناك ويتربي معاهم وين (النفاج والبيت الوسيع واللمه التي ربت جنا المحتاج) وين ياجماعة عاداتنا السمحة



وفي عادة جميلة برضو بقت ما زي زمان لما كان تكون في مناسبة كانت كل النسوان



وين لمت اولاد الجيران شباب الحي وهم بيجيروا بيت المناسبة وبيدقوا الخيمة

وين لمت بنات الجيران والاهل ينضفن ويجيهن بيت المناسبة وين قعدت العروس في بيت

خالتها او اماتها أو جاراتها الليله بقت بس كوفيرات مالو سمح التطور لكن ما ننسا قديمنا
مسئولية رجوع عاداتنا السمحة دي مسئولية الجميع الرائعه وجدان التحايا أجلها مرسله لك أولا علي مرورك وثانيا علي ما أذهبت فيه من رد، فقد تطرقت لأمور جد مهمه وفي نظري هي أساس استمراريه العادات والتقاليد السمحه الأ وهي علاقة الجار بالجار ، وكلنا عارفين أهمية الجار حتي ديننا يوصي به ويشدد في الوصاية عليه ،اللهم إحفظنا وأحفظ كل جميل

[الطيب الطاهر الشيخ]

الأخ أبو علامه تسلم علي مرورك والرساله وصلت ،تحياتي