الخبر الاكيد قالو ... الظلط .....

[ابوسن المهل محمد الامين]

الخبر الاكيد قالو البطانة اترشت
وبت أم ساق على حدب الفريق اتعشت
بشارة خير بداية هذا المشروع الحيوى الهام طريق ود حبوبة مناقزا المحيريبا
حق مشروع تأخر كثيرا نتمنى الاستمرار والاجتهاد والمثابرة من القائمين على الامر .
تم استئجار منزل للشركة العاملة فى الطريق لمدة 8 شهور (مدة العمل )
بدأت اعمال الرش والمندلة .
المشرف علىالطريق الاستاذ احمد عبد الباقى من الولى وهو مدير مكتب التعليم (الاساس) سابقا بالمحيريبا .
نتمنى من بالداخل اضافة اى معلومات جديدة عن الظلط .
ونتمنى ان يكون عمل خير يربط المنطقة ويوحدها ويطورها .

[محمد عوض الكريم عثمان]

السلام عليكم ورحمة الله تعالى وبركاته...
صراحة ده اكثر خبر يسعدنى بخصوص الظلط لانو كلام اصبح واقعى ومنطقى...
وبعدما فقدنا الامل فى هذا الظلط الآن اصبح الحلم حقيقه وربنا يحقق لينا كل السمح
لمنطقة الحلاوين ونقدم الشكر بعد الله للأستاذ محمود محمد احمد والمشاركين فى هذا المشروع الضخم الذى سوف يحول المنطقه للافضل والاجمل والأكمل...

[ابوسن المهل محمد الامين]

السلام عليكم ورحمة الله تعالى وبركاته...

صراحة ده اكثر خبر يسعدنى بخصوص الظلط لانو كلام اصبح واقعى ومنطقى...
وبعدما فقدنا الامل فى هذا الظلط الآن اصبح الحلم حقيقه وربنا يحقق لينا كل السمح

لمنطقة الحلاوين ونقدم الشكر بعد الله للأستاذ محمود محمد احمد والمشاركين فى هذا المشروع الضخم الذى سوف يحول المنطقه للافضل والاجمل والأكمل...

وعليكم السلام محمد نتمنى ذلك .

[أزهرى محمد أبوالحسن]

أخي لك التحية ...أنا نفسي أعرف اعرف من اين تأتي بهذه الاخبار لان كل ماذكرتة خطأ وعاري من الصحة بتناقضه مع الطبيعة وانا قبل يوم جئت بالشارع لايوجد كل ما تفضلت بذكرهه ..وزيادة علي ذلك الخريف دخل ..لا تحلموا في وضح النهار

[عبيد العوض]

هذا الظلط مشيت على ردميته منذ عام وقد اوشك على دخول مناجزا وقد سميناه من قبل بظلط اخونا سليمان وقد انزل الاخ مامون صورا للردميات فى هذا الموقع وكم تمنيت ان يكون خبرك بان السفلته قد بدات والشى الذ طماننى اكثر هو وجود الاستاذ احمد عبدالباقى على راس ادارته وعقبال ما نركب الظلط للمحيريبا عز الخريف

[العاقب عبدالكافى قنات]

لك التحية ابن عمى ابوسن...فرحة غمرتنا جميعا
مبروك ومزيد من الارتقاء

[كمال دفع الله محمد]

يا جماعة أنا مسافر البلد قريب أن شاء الله وح أجيب ليكم خبر الظلط من قنبو لمحيريبتو

[ابوسن المهل محمد الامين]

أخي لك التحية ...أنا نفسي أعرف اعرف من اين تأتي بهذه الاخبار لان كل ماذكرتة خطأ وعاري من الصحة بتناقضه مع الطبيعة وانا قبل يوم جئت بالشارع لايوجد كل ما تفضلت بذكرهه ..وزيادة علي ذلك الخريف دخل ..لا تحلموا في وضح النهار
الاخ ازهرى السلام عليكم ورحمة الله وبركاته .
طبعا اخى ازهرى يادوب دى البداية وما ممكن تشوف حاجة الان .
وكل ماذكرته صحيحا ومدة عمل الشركة 9 شهور .والشركة الان لها اكثر من 20 قلاب تعمل . والمهندسين موجودين بالمحيريبا . وعلينا بالصبر والدعاء
حتى يكتمل المشروع . مرة اخرى تحياتى واحترامى .

[ابوسن المهل محمد الامين]

الاستاذ عبيد العوض السلام عليكم ورحمة الله وبركاته .
وفعلا الاستاذ احمد عبد الباقى شعلة من النشاط وربنا يوفقه .

[ابوسن المهل محمد الامين]

العاقب قنات السلام عليكم ورحمة الله وبركاته . التحية ليك وللاسرة الكريمة .
لك الشكر على المرور والمشاركة .

[ابوسن المهل محمد الامين]

الاخ كمال السلام عليكم ورحمة الله وبركاته . كلامك سمح بالحيل نتمنى ذلك
وعلى جناح السرعة ولك الشكر .

[OMRAN SALAH]

يا جماعة أنا مسافر البلد قريب أن شاء الله وح أجيب ليكم خبر الظلط من قنبو لمحيريبتو
ما تتأخر عليك الله :p;)
لكن بينى وبينك التلفونات (القولات على قولة الجماعة) ما خلت شىء ;):D

منتظرين الصور يا حبيب .

والتحية والتقدير لكل من وقف وراء إتمام وانجاز هذا المشروع الطيب لأهلنا بالمنطقة

[عوض الكريم عثمان عمر]

المشرف على الطريق الأُستاذ أحمد عبد الباقى من الولى وهو مدير مكتب التعليم (الأساس) سابقاً بالمحيريبا .
توجهت صباح اليوم إلى منزل أخى وصديقى الأُســـتاذ أحمــــــد عبدالباقى أحمــــد
للإستفسار عن آخر أخبار (الظلط) وقام مشكوراً بتزويدنا بالمعلومات التاليـــــــة:
بدأ العمل فعلاً [وليس قولاً] ... وأن ماذكره عضو المنتدى أبوسن المهل صحيحاً
بنســـــــــبة %100 ... وأن المنــــــزل الذى تمَّ إســـــــــــــــــتئجاره مملوكاً للســــــــيد / ســـــــليمان
عبدالقادر قنَّات ... وهو بالمناسبه ملاصق لمنزل السيِّد كاتب البوست ... وأن
العمل سيكتمل بنهايـــــــــة ديســــــــــــــمبر 2011 إن شـــــــــــــــاء اللَّــه ... والأُســــتاذ / أحمـــــد
عبدالباقى هو (رئيســـــــاً) للجنة المشرفة على العمل بذلك الطريق ... تحيــــــــــــاتى .

[عبيد العوض]

اكيد بعد كلام العميد الظلط دخل الحوش وياحليل زمن عربية دقداق وحاج ماهل وبعد ده يا الاكسنت جاك زول .

[علي الطيب علي]

سافرنا يوم الخميس من قنب وحتى مناقزا ثم كتفية...

بي جاي مافي حاجة.. بعلي المحيريبا ما عارف ....

[عبدالقادر زروق]

اليوم الاحد 3/7/2011 الساعة الخامسة مساء
من المحيريبا حتى مناقزا مافى حاجة
(مصدر موثوق منه استأجر سيارة )
(سألته عن الشارع بعد قراءة ما كتبه المهندس على الطيب)
ونحن النازلين السودان فى رمضان == خريف ان شاء الله==

[عبدالقادر زروق]

يا ربى نأخر السفر شوية
نخليه عيد الاضحى

[أنور صديق عثمان الصديق]

الاخبار السعيدة تتوالي , هذا الخبر الثالث يفرحني غاية الفرح خلال شهر يونيو / يوليو نتمني من الله ان يبلغنا رمضان علي احسن حال , ونمشي في الظلط زي الناس الراقيييييييين.
خلاص بعد دا نشوف بصات الوالي بتصل خط الحلاوين.
بختنا

[عبيد العوض]

ودزروق سلام كتير
عمرك كله تخمج فى الطين وأنا شخصيا سافرت من الحلاوين للمحيريبا على ظهر حمار فى الخريف يعنى شنو كلها كم شهر وتركب الزلط وبعدين تأجيل الاجازه للضحيه دى العب غيرها عشان لم تجى الضحيه تكون المدارس قربت احسن نخليها السنه الجايه ههههههههه

[ابراهيم أحمد ابراهيم]

الأخ العزيز أبسن تحياتي وكيف أخبارك والأسرة لعلكم بخير...
في البدء لم أصدق ما جاء بالبوست ... لكثرة الوعود التي قطعت فيما يتعلق بهذا الطريق..
ولكن للأمانة كنت في زيارة اليومين الفائتين لمصطفى قرشي ومناقزا ...ورأيت الآليات تعمل بكل جد.. والعمل جارِ على قدمِ وساق ..
ونتمنى أن يتواصل العمل بذات الجهد وأن يكتمل هذا الطريق الحيوي الهام الذي سوف يربط قرى الحلاوين ...ويعيد إليها الحياة .. والله يكضب الشينة وما نسمع بعد أيام بأنو الآليات قد تحولت إلى موقع آخر كما يحدث دائما...
ولكم ودي

[كمال دفع الله محمد]

والله أنا خايف الجنوبيين يقلعوا بترولهم وما نلقى زفت نظلت بيهو ظلتنا

[ابراهيم محمد احمد]

اكثر ما اسعدنى اختيار الاستاذ احمد عبدالباقى لرئاسة هذه اللجنة فالرجل مصدر ثقة عندى . التحية لك اخى ابوسن المهل ولاسرتك الكريمة كل ما اتمناه ان يتم هذا المشروع لينعم اهلنا بسفر آمن ومريح0