طيبة العيون..

[محمد برقاوى]

طيبة العيون..


***


شعر/ محمد عبد الله برقاوي..


***


يا خاطري أصمد لاتلين ..
لا يكسرك شوق لاحنين


لى زول نكر ريد السنين ..
بى فعلوا والقول المهين


قلب المحب يغفر جرح ..
بس كيف يفوّت طعنتين


***


قوليهو يا قلبي الأمين ..
طيبة العيون تلقاها وين


وكانت شموع ليل غربتك ..
وهمس السكون داك ياضنين


كم قاسمك ويل كربتك


تابعت ظنك والعناد والليلة ..
شوف هم البعاد


بس التقول صابتنا عين..
يا خاطري أصمد لا تلين
***


باكر ندم خاطرو بيبين ..
ويجييني خسران الرهان


عارفني بديهو الأمان
وتوجتو فوق أرفع مكان


فاخرت بيهو عيان بيان


لكّني ما برضى الهوان ..
لو يبقى سلطان الزمان


رغم الشقاء وكف الأنين ..
يا خاطري أ صبر لا تستكين


***


دولة الامارات العربية المتحدة


العين 27/12/2011/ الثلاثاء

[عبيد عبدالرحيم ودالجعلى]

الود والتقدير استاذنا المرهف محمد برقاوى وكل عام وانت
بالف خير وعام جديد وعمر مديد0والتحية كذلك موصولة الى
الاخ عبود برقاوى مع خالص الامانى ودمتم0

[منتصـــــــر الهادي سليمان]

لكّني ما برضى الهوان ..
لو يبقى سلطان الزمان
رغم الشقاء وكف الأنين ..
يا خاطري أ صبر لا تستكين

الاخ الاستاذ الشاعر برقاوي لك التحية علي هذا الابدع الشعري
عزة وشموخ لا تنكسر لا تنطفي مهما كانت المغريات او الجبروت
لك التحية والتقدير

[عاطف يس وقيع الله يس]

لك التحيه يا استاذ

[يوسف علي أبوزيد]

طيبة العيون..



***
يديك العافية شاعرنا الشفيف أستاذ برقاوي


شعر/ محمد عبد الله برقاوي..


***


يا خاطري أصمد لاتلين ..
لا يكسرك شوق لاحنين


لى زول نكر ريد السنين ..
بى فعلوا والقول المهين


قلب المحب يغفر جرح ..
بس كيف يفوّت طعنتين


***


قوليهو يا قلبي الأمين ..
طيبة العيون تلقاها وين


وكانت شموع ليل غربتك ..
وهمس السكون داك ياضنين


كم قاسمك ويل كربتك


تابعت ظنك والعناد والليلة ..
شوف هم البعاد


بس التقول صابتنا عين..
يا خاطري أصمد لا تلين
***


باكر ندم خاطرو بيبين ..
ويجييني خسران الرهان


عارفني بديهو الأمان
وتوجتو فوق أرفع مكان


فاخرت بيهو عيان بيان


لكّني ما برضى الهوان ..
لو يبقى سلطان الزمان


رغم الشقاء وكف الأنين ..
يا خاطري أ صبر لا تستكين


***


دولة الامارات العربية المتحدة



العين 27/12/2011/ الثلاثاء

يديك العافية شاعرنا الشفيف أستاذنا برقاوي والله يعينك على طيبة العيون هذه واظن معاك آخرين ولازمين الصبر وأهلك العرب بيقولوا الصبر جبر

[محمد برقاوى]

شكرا نبيلا لكم جميعا أحبائي عشاق الحرف الجميل ..فمروركم يدل على شفافية روحكم الشاعرية .. هاكم مني وردة لكل منكم وبدون فرز ..وعفوا لتأخر مرور قطار الرد على محطات وقوفكم الظليلة !