محمد أحمد ابراهيم أبوغيدا
12-01-2012, 04:07 PM
كلاكيت (1)
اسمع يا ود اخوي انت عارف الظروف اليومين دي صعبة
الوليدات ليهم تلاتة ايام ما ضاقو ليهم لحم ولا شمو ريحتو
دحين اديني عشرين الف اجيب ليهم ربع كيلو يشمو شم ساااااي
فلاش :
يسرج الحمار جيدا ويوضع فيه جميع لوازم الرحلة ومن ثم
الحمار يعرف طريقه جيدا لتلك الناحية وماهي الا فترة زمن ويكون هناك
فلاش:
مساءا يدخل الحمار بدون سرج وبدون حتي حبل عاريا ظهره تماما
وبعده يدخل الرجل الجلابية بها بقايا طين لاصق والخطوات مترنحة
يمينا يسارا اماما خلفا و يرتفع صوت
انا الدابي ان رصد للزول بعيقو
انا المامون علي بنوت فريقو
هيييييييييييع شهقة ؟؟؟؟؟؟؟؟
كلاكيت (2)
قلت ليك يا خوي زهراء بت البلولة جارتنا يمن كنا في البلد داك قالو
رقدوها في المستشفي شوف لي معاك عشرين الف امشي ازورا
فلاش:
عوضية قدر ظروفك ازيك اديني تلاتة ملاعق ديانا ونص فنجان صنفرة
وفتيل زيت الورل حق الشعر
دي عشرين شيلي الخمسة الفاتت وهسع خمسة واديني عشرة
بس اديني من الاصلية ما الصينية الصنفرة الفاتت كانت تحرق وشي
فلاش:
عربة عليها ميكرفون ونداءا يسمع :
الاهل الكرام تدعوكم الجمعية الخيرية بالقرية لمحاضرة مساء اليوم بعد
صلاة المغرب بدار الجمعية بعنوان محاربة العادات الضارة
تتحدث فيه الاستاذة زهراء البلولة امينة المرأة بالتنظيم والدعوة عامة
كلاكيت (3)
بقول ياعم عندي مذكرات جامعة داير اصورا ما فيها طريقة تجازف لينا عشرين الف لو سمحت
فلاش :
عبدو عليك الله اديني اسكراتش بعشرة
فلاش:
الو زيزي معليش امبارح الرصيد كمل ماوريتيني الحاصل شنو
المهم برسل ليك رصيد بخمسة عشان لو في حاجة بس اعملي مس كول
او اديني رسالة صدقيني انا من امس مانمت وقالو الجامعة علقو الدراسة
اها دي الركلسة .
بس وقف التصوير والغي المشاهد دي كلها
بكرة شوف لي ممثلين غير ديل
اسمع يا ود اخوي انت عارف الظروف اليومين دي صعبة
الوليدات ليهم تلاتة ايام ما ضاقو ليهم لحم ولا شمو ريحتو
دحين اديني عشرين الف اجيب ليهم ربع كيلو يشمو شم ساااااي
فلاش :
يسرج الحمار جيدا ويوضع فيه جميع لوازم الرحلة ومن ثم
الحمار يعرف طريقه جيدا لتلك الناحية وماهي الا فترة زمن ويكون هناك
فلاش:
مساءا يدخل الحمار بدون سرج وبدون حتي حبل عاريا ظهره تماما
وبعده يدخل الرجل الجلابية بها بقايا طين لاصق والخطوات مترنحة
يمينا يسارا اماما خلفا و يرتفع صوت
انا الدابي ان رصد للزول بعيقو
انا المامون علي بنوت فريقو
هيييييييييييع شهقة ؟؟؟؟؟؟؟؟
كلاكيت (2)
قلت ليك يا خوي زهراء بت البلولة جارتنا يمن كنا في البلد داك قالو
رقدوها في المستشفي شوف لي معاك عشرين الف امشي ازورا
فلاش:
عوضية قدر ظروفك ازيك اديني تلاتة ملاعق ديانا ونص فنجان صنفرة
وفتيل زيت الورل حق الشعر
دي عشرين شيلي الخمسة الفاتت وهسع خمسة واديني عشرة
بس اديني من الاصلية ما الصينية الصنفرة الفاتت كانت تحرق وشي
فلاش:
عربة عليها ميكرفون ونداءا يسمع :
الاهل الكرام تدعوكم الجمعية الخيرية بالقرية لمحاضرة مساء اليوم بعد
صلاة المغرب بدار الجمعية بعنوان محاربة العادات الضارة
تتحدث فيه الاستاذة زهراء البلولة امينة المرأة بالتنظيم والدعوة عامة
كلاكيت (3)
بقول ياعم عندي مذكرات جامعة داير اصورا ما فيها طريقة تجازف لينا عشرين الف لو سمحت
فلاش :
عبدو عليك الله اديني اسكراتش بعشرة
فلاش:
الو زيزي معليش امبارح الرصيد كمل ماوريتيني الحاصل شنو
المهم برسل ليك رصيد بخمسة عشان لو في حاجة بس اعملي مس كول
او اديني رسالة صدقيني انا من امس مانمت وقالو الجامعة علقو الدراسة
اها دي الركلسة .
بس وقف التصوير والغي المشاهد دي كلها
بكرة شوف لي ممثلين غير ديل