هترشات وهترشات من مصر

[صديق الماحي]

http://www.abnalhuda.com/t261p40-topic#21843 (http://www.abnalhuda.com/t261p40-topic#21843)

[كمال دفع الله محمد]

هترشات حلوة يا صديق والأحلى موقع مدينة الهدى .... وأرجوك أن تناشد ابن عمي ( جلال محمد نور ) للانضمام لمنتدى الحلاوين

[العاقب عبدالكافى قنات]

يا صديق هترشاتك حلوه وبالاخص الغالى صلاح الشيخ
تحياتى له ناشفة عبرك

[صديق الماحي]

هترشات حلوة يا صديق والأحلى موقع مدينة الهدى .... وأرجوك أن تناشد ابن عمي ( جلال محمد نور ) للانضمام لمنتدى الحلاوين
كمال بعد كل الجمال دة زيادة عليه كمان انت قليز
القلاليز ديل من اجمل وانظف الشخصيات فى الهدى وهم حبائبى
جلال بالفعل هو عضو فى منتديات الهدى ونحن نناشدك انت ان تكون بيننا لنسبفيد من قلمك او كيبوردك الذى لا غنى عنه

[صديق الماحي]

يا صديق هترشاتك حلوه وبالاخص الغالى صلاح الشيخ
تحياتى له ناشفة عبرك
شكرا يا ود قنات وتحياتك ستصل طرية ولينة الى صلاح
وشوف بتاع البكسى فى مصر مع السلفى فى اللنك الجائي دة

[صديق الماحي]

شيخ من السلفيين يلبس جلابية وله لحية جميلة وهو شاب فى العشرينات من عمره
قابلته ونحن فى انتظار ميكروباص ليقلنا كل الى وجهته
جاء ميكروباص والكاسيت عالى جدا بأغانى شبابية
أشترط الشيخ لركوبه وقف الموسيقى وأمتثل سواق الميكروباص حالا لحوجته للزبون
وعندما أمتلأت العربة وتحركت اعاد السواق الشاب تشغيل الموسيقى مرة
... بقولك وقف الزفت دة انت ما بتفهمشى
... بفهم والله العظيم ودورتلك على قرآن خدو زميلى السواق التانى ابقى تعالا اركب معاه بالليل
.... نزلنى لو سمحت
... مش حا انزلك يا شيخ
هنا تدخل الركاب وأصروا على السواق ان يمتثل لكلام السلفى
أوقف الموسيقى على مضض وقال
... يا شيخ ماتركبش معايا تانى
... دى مركبة عامة وأركب غصبا عنك
راح مشغل له الموسيقى مرة أخرى
كانت ربع ساعة مليئة بالضحك خاصة وسواق الميكروباص مستهبل جد جدا
وهو فى طريقه أخرج سيجارة ولا يملك ولاعة
الراكب بجواره اخرج له ولاعة ولم ياخدها منه
وقف بالعربية فى نص الطريق موازيا لسيارة تعمل معه فى نفس الخط وقال لزميله ولاعة لو سمحت
أعطاه زميله الولاعة وأخدها وقاد سيارته مسرعا وسمعنا زميله وهو يشتمه بأقبح الأفاظ

[صديق الماحي]

مسطول قال لبتاع تاكسى مسطول برضو
.. تودينى فين وتاخد كام
..... خليك مطرحك وجيب اللى تجيبو


..........................................................................
مدرس رياضيات تزوج واحدة زميلته
خلفوا عيل متوازى الأضلاع

[صديق الماحي]

مهمه السمك يكبر الحوت يفضل حوت
مافيش صاحب صالح كله بتاع مصالح
لو صاحبك ناقص بناقص
على نص نقل مكتوبة

[ابراهيم أحمد ابراهيم]

الأخ العزيز صديق الماحي
والله طلعتنا من قرف السياسة ...هترش معانا من فترة لأخرى...
على فكرة كنت في مصر في يناير..قبل الثورة..بعد فترة طويلة من أول زيارة..
وفعلاً..دمهم خفيف وتعاملهم راقي..
ما عارف الآن حجم التحولات..خاصة في حركة الحياة اليومية في الشارع المصري..وقد بدأت تضعنا في الصورة..في بوست سابق..ما عارف وقفت ليه؟؟ أرجو أن تواصل..
مع تحيــاتي

[صديق الماحي]

الأخ العزيز صديق الماحي
والله طلعتنا من قرف السياسة ...هترش معانا من فترة لأخرى...
على فكرة كنت في مصر في يناير..قبل الثورة..بعد فترة طويلة من أول زيارة..
وفعلاً..دمهم خفيف وتعاملهم راقي..
ما عارف الآن حجم التحولات..خاصة في حركة الحياة اليومية في الشارع المصري..وقد بدأت تضعنا في الصورة..في بوست سابق..ما عارف وقفت ليه؟؟ أرجو أن تواصل..
مع تحيــاتي
ماعندنا حظ
تجى مصر وما نشوقك ؟
حجم التحولات كبير وملاحظ فى الشارع المصرى
بعض الناس تستغل الحرية استغلال سئ جدا للأسف
قى احباط وشوية عنف فى الشارع المصرى نسبة لبطء التغيير ومحاربة قلول الفوضى السابقة والمحاكمات للمقسدين من المفروض تكون ثورية
لكن بصفة عامة هم ماشين الى الأفضل

[صديق الماحي]

.... خد سيجارة يا أسطى
.... لا كان زمان وجبر بقالى فترة داخل جمعية مع عم حجازى كل يوم ستة جنيه تمن علبة السجائر
... مش ح تقدر يا حبيبى دة انت السجارة ما بتفارقش بفك وكباية الشاى
... مستنى حد يعمل معاى جمعية فى الشاى هو اللاخر دة انا بشرب شاى بتلاتة جنيه فى اليوم
بس ماحدش راضى

[محمد عبدالرحمن عبدالله الحبر]

تسلم يا غالى جد فقره ممتعه وفرائحيه واصل ونحنو فى الانتظار

[صديق الماحي]

محمد عبد الرحمن هاك دى قصيده من تاليف صعيدي مجروح

يابهانه وحشتيني

وخلي عند اهلك دم وعبريني
... ... ...
ياللي بسهم حبك نغزتيني

وبجمال ضفايرك سحرتيني

وبطرف دلبيتك شغلتيني

وياما ضحكتي عليا وخربطيني

و ع الحمار بالمشجلب ركبتيني

و في اقرب حوش بعتيني

وف الأخر يابلغه سبتيني

واتجوزتي هريدي ونسيتيني

يا كللللللللبه ياسااااااااافله يا واااااااااطيه

[صديق الماحي]

مره واحد غبى اشترى عربيه bmw من الى فيها كمبيوتر وبتصحح الاخطاء الى فى العربيه لو فيها حاجه بايظه المهم جه الصعيدى قال اما يجرب الكمبيوتر ده شغال ولا ايه
المهم قام كاسر الباب اليمين قام الكمبيوتر قال يا ايها الباب ارجع كما كنت فرجع الباب سليم قال اما يجرب الباب الشمال كمان قام شايل الباب الشمال قام الكمبيوتر قال يا ايها الباب ارجع كما كنت فرجع الباب الصعيدى استحلى الموضوع اوى قام طلع فوق كوبرى ونط من عليه قام الكمبيوتر قال يا ايتها النفس المطمئنه ارجعى الى ربك راضيه مرضيه

[صديق الماحي]

لية الطماطم حمرة ومدورة
.
.
.
....
... ....
.
.
.
.
.
.
.
.
.
عشان لو كانت طويلة وخضرا كات هتبقي خياااار

[صديق الماحي]

مرة واحدة بتكلم ابن عمها عالنت ،
و عمالة تغلس عليه بس هو بارد و مش بيرد عليها ..
آخر ما زهقت قالتله :
.
.
... .
.

خد الكبيرة بقى !
أنا ماشية مع حسام صاحبك بقالنا سنتين ،
و بنتكلم كل يوم بالتلات ساعات ،
و بنخرج كل أسبوع =)

فرد عليها و قالها :

خدي إنتي بقى الأكبر منها

.
.
.
.
.
.
.
.
.

أبوكي قاعد جنبي

[صديق الماحي]

واحده حماتها جت عندها البيت
فبتقوللها هاتنورينا لحد امتى يا أم الغالى
قالتلها : لحد ماتزهقوا مني
.
.
... ......................
.
.
.
.
.-
-
-
-
قالتلها : طيب عالأقل اشربى حاجه

[صديق الماحي]

مصــري بيكلـم سـودانــي :
.
.
.

... بيقـــولــه تعــرف ان ابــن خـــالتــي مــات مـــن كتــر الهمـــوم
.
.
.

ااـسودانـي قـالـه :
.
.
.
.
يـا آخـي طالمـــا هـو مـــش قـــد الهمــوم بيستهمــــى ليــــــــــــه؟

[صديق الماحي]

كلها ساعة زمن فى البيت ويا فكيك ع الفهوة
دة حتى يوم الجمعة ما تقدرش تقعد فى البيت
..... ليه يابنى دى القعدة مع العيال فى الاجازة مهمة أوى
..... بتهيأ لك .. قطع المسلسلات التركى وسنينها
دة الواحد لو لمس الريمود عشان يشوف ماتش كورة او اخبار الولية تقولك المسلسل
العيال عايزين سبيس تون ساعتين زمن وخناقة مع الولية ويلا على بيت ابوك
كبر دماغك وع القهوة عدل بلا وش

[صديق الماحي]

كمسارى الاتوبيس وعشرته مع الركاب

صباح الخير ياعم سمير
نهارك زى القل يا حسنى
ما جيبتلناش معاك فطار يا ام محمد
جاتك نيلة مراتك ما بتفطركش
بطلع قبل القجر وهى بتشخر
مراتك بتشخر وتفضحها قدام الخلق ياواطى
قلت لك قوزينى الأمورة زميلتكو الجديدة اللى حاطاها قى اباطك وانتى ما رضيتيش .. لو كيلتى دماغها والنبي تركبى الاتوبيس مجان كل يوم
جابك الهبل يا حسنى وهى قد بناتك

[صديق الماحي]

ﺣﺴﻨﻲ ﻣﺒﺎﺭﻙ ﻟﻤﺎ ﻣﺎﺕ ﺍﻟﻤﻼﻳﻜﺔ
ﺑﺘﺤﺎﺳﺒﻪ ﻓﺒﺘﻘوﻟﻪ ﻋﻨدﻙ ﺍﺧﺘﻴﺎﺭﻳن
ﺗدﺧل ﺍﻟﻨﺎﺭ ﺍﻟﻤﺼرﻱ ﻭﻻ ﺍﻟﻨﺎﺭ
ﺍﻷﻣرﻳﻜﺎﻧﻲ؟
ﻗﺎﻟﻬﻢمﻭﺇﻳﻪ ﺍﻟﻔﺮﻕ!!
... ﻗﺎﻟو ﻟﻪ : ﺍﻟﻨﺎﺭ ﺍﻟﻤﺼرﻯ ﺗﻔطر
ﻓوﻝ ﻭطﻌﻤﻴﺔ ﻭﺗﺘﺠﻠد ﺷوﻳﺔ,
ﻭﺗﺘﻐدﻯ ﺑﺼﺎﺭﺓ ﻭﺗﺘﺠﻠد ﺷوﻳﺔ ,
ﻭﺗﺘﻌﺸﻰ ﺳﻨدﻭﺗﺸﺎﺕ ﻓوﻝ, ﻭ
ﺗدﺧل ﺍﻟﺸوﺍﻳﺔ ﻟﺤد ﺗﺎﻧﻰ ﻳوﻡ
ﺍﻟﺼﺒﺢ .
ﻗﺎﻝ ﻟﻬم طﻴب ﻭﺍﻟﻨﺎﺭ
ﺍﻷﻣرﻳﻜﺎﻧﻰ؟
ﻗﺎﻟوﺍ ﻟﻪ : ﺗﻔطر ﻛﻴزﺭ ﻭ ﺟﺒﻨﺔ
ﻭﺗﺘﺠﻠد ﺷوﻳﺔ ﻟﺤد ﺍﻟﻀﻬر , ﻭ
ﺗﺘﻐدﻯ ﻣﺎﻛدﻭﻧﺎلد ﻭ ﺗﺘﺠﻠد ﺷوﻳﺔ
ﻟﺤد ﺑﺎﻟﻠﻴل, ﻭﺗﺘﻌﺸﻰ ﻛﻨﺘﺎﻛﻰ ﻭ
ﺗدﺧل ﺍﻟﺸواﻳﺔ ﻟﺤدى ﺗﺎﻧﻰ ﻳوﻡ
ﺍﻟﺼﺒﺢ ..
ﻗﺎﻝ ﻟﻬم: ﻷ ﻛدﻩ ﺃﺧش
ﺍﻷﻣرﻳﻜﺎﻧﻰ ..
ﻭﻫو ﺳﺎﺣﺒﻴﻨﻪ ﻟﻘﻰ ﻋﺎطف ﻋﺒﻴد
ﺟﺎﻯ طﺎﻟﻊ ﻣن ﺍﻟﺸوﺍﻳﺔ .. .. ..
ﻗﺎﻝ ﻟﻪ: ﺇﻳﻪ ﻳﺎ ﺭﻳس ﻣﺼرﻯ ﻭﻻ
ﺃﻣرﻳﻜﺎﻧﻰ؟
ﻓﻤﺒﺎﺭﻙ ﻗﺎﻝ ﻟﻪ: ﻷ ﺃﻣرﻳﻜﺎﻧﻰ ..
ﻋﺎطف ﻋﺒﻴد ﻗﺎﻝ ﻟﻪ :
ﺟﺎﺗك ﺧﻴﺒﺔ ﻳﺎﺭﻳس ﻋﺸت ﺧﺎﻳب ﻭ
ﻣت ﺧﺎﻳب..
ﺍﻟﻨﺎﺭ ﺍﻟﻤﺼرﻯ ..ﺍﻟﺸوﺍﻳﺔ ﻋطﻼﻧﺔ
ﻭﺍﻟﺠﻼﺩ ﺑﻴﻤﻀﻰ ﻭ ﻳرﻭﺡ

[صديق الماحي]

صاحب الخروف قال لى الجزار والحروف يتابع
الخروق على اتنيت نص عايزه كفتة
والنص التانى خزين
والراس عايزه نيفة وشوربة
والرجلين ما ترميهم ونضفهم عايزنهم كوارع
والجلد حانعمله سجادة صلاة
هنا تكلم الخروف وقال لصاحبه
ما تسجل صوتى وتعملو رنة لمبايلك
من جريدة التحرير

[عمر محمد أرباب]

واصل ياحبيب ...!!!

[صديق الماحي]

http://www.abnalhuda.com/t261p80-topic

[صديق الماحي]

«ميجا» نط عند البط

بقلم جلال عامر ٢١/ ١/ ٢٠١٢
وجدت فى أوراقى خطاباً قديماً منشوراً كتبه أحد العاملين الوهميين فى مشروع الضبعة، وجدته يصلح للمهزلة التى تحدث الآن فى مدينة الضبعة..

(أخى العزيز..

السلام عليكم ورحمة الله وكل سنة وأنتم طيبون..

أكتب لكم من «الضبعة»، حيث أعمل وأبعث سلامى لأمى وإخوتى ولخطيبتى، وأنا سمعت إن خطيبتى «لواحظ» حامل فألف مبروك.. اليوم هنا طويل لكننا نقضيه فى لعبة «منتجعات ومفاعلات»، حيث يجمعنا كبير المهندسين صفاً واحداً ويكشف بيديه على جبهة كل واحد فينا ويقول له: إنت «منتجع»، أو: إنت «مفاعل»، ونبدأ نجرى ورا بعض عسكر وحرامية، و«المنتجع» اللى يمسك «مفاعل» يضربه ويقعد مطرحه، وساعات نلعب «ميجا» نط عند البط.. ما قولتليش هيه خطيبتى «لواحظ» حامل من مين؟ برضه من الجدع ده بتاع كل مرة؟!.. ما إحنا مش بنتعلم، المهم أحياناً يحضر مندوب وزارة الكهربا والطاقة من القاهرة بطيارة هليكوبتر من غير مروحة، لأن الدنيا برد ويقف قدامنا ويدينا ضهره، وواحد فينا يضربه جامد وهوه يلتفت ويقول مين اللى ضربه، «منتجع» ولا «مفاعل»؟ ويبلغ الوزارة بالتليفون..

على فكرة الجو هنا جميل ويحسسك إننا مش فى دولة ولا حاجة زى ما بيقولوا عندنا فى البلد، لأن «الضبعة» امتداد للساحل الشمالى، وفيه ناس بتقول إنها امتداد للحزب القديم الجديد وإذا فتحوها «مفاعل» هامسك «البوفيه»، وإذا فتحوها «منتجع» هامسك «أمانة التنظيم».. وساعات بنلعب «بلى» بالسبائك المشعة أو الأهالى يسرقونا وإحنا نجرى وراهم.. وإمبارح كبير المهندسين نادانى وشرح لى أهمية المشروع وقال لى لازم نقدم حاجة لمصر وطلب منى أن أسرق العهدة فطبعاً رفضت بشدة لأنه عايز ياخد التلتين ويدينى التلت فقط.. وسلم لى على شيخ الغفر وقول له بلاش تسيب شباك منور البلد مفتوح..

وعايزك تقول لخطيبتى «لواحظ» كفاية عيال أو تكلم الجدع ده بتاع كل مرة وتفهمه إننا صحيح مش فى دولة ولا حاجة لكن عليه أن يتقى الله، لأن الناس هنا بدأت تتكلم وتقول إن الحكومة مش هتعمل «مفاعل» ولن تقوم «بتخصيب اليورانيوم» اكتفاءً «بتخصيب لواحظ»).. ناس بلا وعى ورجال أعمال بلا ضمير ودولة بلا قانون.. والذى يفشل فى حماية مجمع علمى فى قلب العاصمة كيف يحمى مفاعلاً ذرياً فى قلب الصحراء؟!

galal_amer@hotmail.com

[صديق الماحي]

نصيحة

بقلم جلال عامر ٢٣/ ١/ ٢٠١٢
هل ما يحدث فى مصر الآن هو صراع «إرادات» أم صراع على «الإيرادات» أم هو صراع بين أصحاب «الثورة» وأصحاب «الثروة»، الذين تركوا الجبل أثناء المعركة ونزلوا لجمع الغنائم؟! ويبدو أن هذا هو أسبوع الأفلام القديمة، لذلك أعيد عرض (نصيحة)، وهو من أفلام الأبيض والأسود التى عرضتها من قبل، خاصة بعد أن انتقلت بعض التيارات الدينية من «التكبير» إلى «التكبر»، وبعض التيارات المدنية من الرغبة فى «الحوار» إلى الرغبة فى «الانتحار».. عاصمة العالم هى المدينة التى تسكن فيها حبيبتى، وكلنا أحب ليفارق، واستدان ليتزوج، وتحول من زينة الشباب فى النادى إلى نبات زينة فى البيت، وضيف شرف له حق الكلام وطلب الطعام، لكن ليس له حق التصويت أو الاعتراض،

وعندما قال «قيس» عن «ليلى» (كتبها لغيرى، وابتلانى بحبها) أصيب بالجنون، ولم يكن المطرب «عبدالحليم» موجوداً ليطبب قلبه ولا الدكتور «الرخاوى» حاضراً ليداوى عقله، ولم يكن عند جبل «التوباد» مستشفى ميدانى ولا عربة إسعاف، فما شعورك ليلة زفاف حبيبتك على من اختاره لها أهلها وليس قلبها؟!

وبين (٢٣/١) و(٢٥ يناير) ٤٨ ساعة ندعو الله سبحانه وتعالى أن تمر على خير من أجل مصر، فهى الأمل والمنى والعروس و«اللى يحبنا ما يضربش نار عندنا»، فهناك فريق غاضب مما يحدث وفريق غاضب ألا يحدث.. فريق رومانسى قدم الروح، وفريق واقعى قدم المهر.. فريق فضل أن يهتف للوطن، وفريق فضل أن يهتف للمرشح.. ولأننى محب قديم فقد تعلمت من ابن البلد أن أحضر الفرح، وأقدم هدية، وأحيى المعازيم، وأنقط الراقصة، وأطلب سلام (بكرة تندم يا جميل).. هذا ليس فرح جنب طهور، لكنه جسد مصر الذى يعاد بناؤه بالمؤسسات بجوار روحها التى يعاد استحضارها بالثورات..

هذه ساعات حاسمة للثورة واختبار حقيقى للثوار يعرف الناس فيها من كان يستحق العروس، ويقارنون بين (أداء البرلمان) الوهمى و(نداء الميدان) الحقيقى، وسوف (يُنصب الميزان) الشعبى، حيث المهر فى كفة والروح فى كفة، فلا تصدقوا أن العروسة للعريس والجرى خلف المتاريس، لكن قدموا النموذج والمثل لاستعادة الثقة أمام أهل العروسة قبل حضور المأذون، فلا يزال هناك متسع من الوقت لإعادة المهر وشرب كوب من «الشربات».. والفرق بين الأتوبيس والإنسان أن «الأتوبيس» فيه سواق وكمسارى ومفتش ونشال وبيعمل حوادث، لكن «الإنسان» فيه عقل ويصنع الأحداث.. فاعتبروا يا أولى الألباب.
comgalal_amer@hotmail.