المريخ يتعادل مع الموية ويحرز كل الاهداف

[ابوعبيدة س. بخيت]

يانغ أفريكانز (http://www.kooora.com/default.aspx?team=8119) - تنزانيا '6http://www.kooora.com/g.gifأحمد الباشا هدف في مرماه'36http://www.kooora.com/g.gifمصعب عمر هدف في مرماه (http://www.kooora.com/default.aspx?player=29976)2 (http://www.kooora.com/default.aspx?region=-12&team=8119&team2=1161)
: 2المريخ (http://www.kooora.com/default.aspx?team=1161) - السودان '3http://www.kooora.com/g.gifكيليتشي أوسونوا (http://www.kooora.com/default.aspx?player=17761)'64http://www.kooora.com/g.gifجوناس ساكواها (http://www.kooora.com/default.aspx?player=6332)

المريخ (http://www.kooora.com/default.aspx?team=1161) - السودان '32http://www.kooora.com/g.gifسيرجي باسكال واوا (http://www.kooora.com/default.aspx?player=30872)'48http://www.kooora.com/d.gifبدر الدين قلق (http://www.kooora.com/default.aspx?player=9473)1 : 1 (http://www.kooora.com/default.aspx?region=-12&team=1161&team2=12642)بوناموايا (http://www.kooora.com/default.aspx?team=12642) - أوغندا '38http://www.kooora.com/g.gifسعيد مصطفى هدف في مرماه (http://www.kooora.com/default.aspx?player=29118)ا

[عبيد العوض]

من عظمة المريخ يا ابوعبيده لم تهتز شباكه من قبل الخصوم وانما بالنيران الصديقه من اقدام ورؤس ابنائه االبرره لنثبت للعالم اجمع اننا الفريق الوحيد الذى يسجل الاهداف فى مرمى الخصم وفى مرماه ايضا وهى ظاهره غير مسبوقه تسجل لنا قاموس جينس

[كمال دفع الله محمد]

يا جماعة أصبروا شوية ناس المريخ نايمين فوق رأى ( عاوزين يختبروا جماهير الهلال ويكشفوهم ) وحسع انكشفوا وبعدين لمن يبدأ دوري المجموعات يا هلالاب لاتلومون الاّ أنفسكم والبادي أظلم وسنلبس شعار أيّ فريق أجنبي يلعب ضددكم ـ وما عاوزين نسمع كلمة وطنية أو الهلال يمثل البلد وألاعيبكم المكشوفة ... وغدا" وبعد أن انكشف المستور سترون المريخ بوجهه الحقيقي ويا مشجعي الهلال أنتظروا ولاتستعجلوا !!

[الطيب الطاهر الشيخ]

عنون الصحفي الفذ محمد عبد الماجد عموده يوم أمس ‏ ب(‏ هداف بطولة سيكافا دفاع المريخ ‏)[/ ي[COLOR="RoyalBlue"]اربي لما ‏(المسيخ)يطير بكون جاب في نفسه كم قون(OLOR]‏

[التقي محمد يوسف]

محمد عبد الماجد
http://www.goansport.net/new/sites/default/files/imagecache/shadowed/category_pictures/majid.jpg
احسن هجوم في بطولة سيكافا ..(دفاع المريخ)

الأربعاء 29 يونيو 2011 الساعة 4:42

تسجيلات الهلال الاخيرة من دون شك شكلت اضافة كبيرة للفريق ، وهي سوف تظهر فوائدها مستقبلا ان شاءالله وسنحصد نواتجها في البطولات التي يشارك فيها الهلال ..المحلية والافريقية.

انتوا يا مريخاب بلوا رأسكم ..وشوفوا (سيكافاتكم) وين؟.

الباشا بعد (سيكافا)..إلا يلعب ليكم في (نيل الحصاحيصا).

باقي الكورة المشي بيها من الهلال (فكت).

الحضري ح يمشي من السودان بعد ان سجل في شبكتو أي زول.

رمضان جكسا.

سولي شريف.

نجم الدين عبدالله.

الباشا.

مصعب عمر.

عييييييييك.

غايتو يا الحضري لو ما لحقت نفسك ورجعت اهلك ...(مصعب عمر) ممكن يكون هداف السودان.

الهداف العكسي للسودان.

قوون عندها جائزة للهداف العالمي.

اعلموا جائزة للهداف العكسي.

ح يتنافسوا فيها مصعب ونجم الدين و الباشا.

الباشا دا قلت ليكم مفرض يلبس الفانلة رقم (10).

معقولة زول عينو في الفيل..يطعن في ضلو.

دي خطة جديدة وإلا شنو؟.

ما علينا ..نرجع لموضوع تسجيلات الهلال.

التنبجة.

التنبجة يعني اتوبونج.

تسجيلات الهلال الاخيرة فوائدها ظاهرة وثابتة رغم محاولات البعض التشكيك فيها بما قد تحدثه من (فتنة) في الهلال وتفرقة بين لاعبي الهلال.

البعض يحاول ان يضرب الهلال من منافذ قوته.

يمكننا ان نخرج الفوائد التي خرج بها الهلال اخيرا من التسجيلات..عكس ما يروج له البعض.

سجل الهلال هداف الدوري المصري (اتوبونج) بعد شيكابالا ، ومازال اتوبونج يحتفظ بموقعه في روليت هدافي الدوري الممتاز المصري ، رغم انه يغيب من الدورى الممتاز قبل اكثر من اربع مباريات.

واتوبونج هو اتوبونج.

وجود لاعب في المقدمة الهلالية بهذه المواصفات احدث تطورا ملحوظا في مقدمة الهلال.

الاثر وضح في زملاء اتوبونج.

سادومبا اصبح اكثر تألقا ..واكثر ثقة ...واكثر رغبة في المشاركة.

كذلك وضح اجتهاد بكري المدينة وتطوره ..وهذا ناتج من المنافسة التي سوف تكون بين مهاجمي الهلال من اجل المشاركة.

وننتظر الكثير من مدثر كاريكا.

هذا عن اتوبونج.

انظروا ماذا احدث ابراهيما توريه في وسط الهلال؟.

ابراهيما توريه الذي خيّل للبعض انه سوف يكون خصما على مهند الطاهر جعل الاخير اكثر اجتهادا ونشاطا ..وننتظر من مهند في الفترة المقبلة تألق ملفت ..ويمكننا ان نراهن على ذلك.

مهند الطاهر لاعب يبدو (كسول)..واحسب ان المنافسة بينه وبين توريه سوف تجعلنا نشاهد (مهند) اخر.

ووجود توريه في الهلال سيكون المستفيد الاول منه هو مهند الطاهر نفسه.

المنافسة هي الاصل في كرة القدم ..وهي التي تجبر على الجودة والاتقان.

علما ان مشاركة مهند لا تعني ابعاد توريه من التشكيلة ..وبالطبع مشاركة توريه لن تكون على حساب مهند الطاهر.

مهند وتوريه ممكن يكونوا في تشكيلة واحدة.

وهذا امر سوف يكون في صالح الهلال.

مثلما يوجد عمر بخيت وعلاء الدين في تشكيلة واحدة ..ممكن ان يكون مهند وتوريه في تشكيلة واحدة ايضا.

وننتظر ان يحدث امير الربيع تطورا وتنافسا اخر في خط دفاع الهلال.

مع التذكير ان وجود توريه مع مهند جعل مدرب الهلال الصربي ميشو يستفيد من مقدرات عمر بخيت وعلاءالدين يوسف الدفاعية بصورة كبيرة.

خاصة وان دفاع الهلال يحتاج الي علاء وعمر في الفترة المقبلة ..ليتفرغ هيثم مصطفي (حفظه الله ورعاه) ومهند وتوريه وبشة للمهام الهجومية بشكل كامل.

اذن اضافات الهلال الاخيرة وتسجيلاته التي كانت في فترة التسجيلات التكميلية سوف تكون ذات فوائد مركبة وعديدة.

وإن غدا لناظره قريب.

الشيء الذي كنا نخشي منه ..واحسب ان الهلال الان يتدبر امره ..هي الجرعة الاعلامية الكبيرة التي صاحبت تسجيلات الهلال الاخيرة مما يجعل نجوم تسجيلات الهلال الاخيرة تحت ضغط عالى ..لا سيما وان الجمهور والاعلام ايضا سوف يطالب من الاضافات الجديدة لكشف الهلال الكثير.

لذلك احسب ان تصريح مدرب الهلال (ميشو) الاخير حول اتوبونج وتوريه كان (ذكيا) ...حينما قال انه لن يعتمد عليهما وانهما يحتاجان لبعض الوقت للانسجام مع المجموعة.

لا بد من شيء يحبط جماهير الهلال واعلامه.

عشان الناس ما تقعد (تفتح) خشمها ساكت.

الملاحظ ان اداء الهلال اداء جماعي ..لا فردي ..والاداء والانتصارات في الهلال معتمدة على الاداء الجماعي للهلال.

اضف الي كل ذلك ان تشكيلة الهلال تشكيلة متوالفة ومتجانسة وبين لاعبي الهلال تفاهما كبيرا لانهم لعبوا فترات طويلة وشكلوا تواجدا اسريا واضحا.

هذا الوضع يستوجب منا الصبر على اتوبونج وتوريه خاصة وهما اصحاب تجربة جديدة في اللعب في السودان.

لذلك اقول ان تصريح ميشو ذكيا ..خاصة اذا كان يقصد ان (يصحي) الجمهور والاعلام كذلك من الاحلام العريضة التي وضعوها على اللاعبين الجدد.

كنت سعيد بعدم ظهور اتوبونج بمستوى جيد في مباراة الهلال الودية الاولى ...على الاقل هذا سوف يخفف من الضغط الاعلامي على اللاعب ومن الاضواء المسلطة عليه التي سوف تفقده تركيزه ..خاصة ان اتوبونج جاء من فريق يحتل المركز الاخير في الدوري المصري.

علينا ان نتفهم ذلك.

وان نحاول ان نصنع اجواء جيدة للقادمين الجدد.

اعرف ان لاعبي الهلال سوف يبزلون الكثير من اجل توفير مناخ مناسب لاتوبونج وتوريه ..وسريعا سوف يدخلونهم في الاسرة الهلالية ويجعلونهم جزء من الهلال.

لكن اخشي من القصور الاعلامي والجماهيري في هذه الناحية او الضغط الذي يمكن ان يفسد أي شيء ..مما يلزمنا ذلك الي الانتباه في المرحلة المقبلة.

نحتاج الي كتابات تقلل من امكانيات اتوبونج.

نحتاج الي ان نتجاهل توريه قليلا.

هاجموهما وانتقادهما.

قولوا ما عندهم حاجة.

غشوا المريخاب.

خلوهم يصدقوا.

نحتاج الي شيء من (الاحباط) بدلا من تصوير معسكر الهلال في القاهرة بهذه الصورة (الهلامية).

نعم نحن في ذلك نرتكب الكثير من الاخطاء التي سوف تكون خصما على الهلال.

اتوبونج وتوريه سوف يجدان انفسهما امام مشاركات رسمية ومنافسات قوية سواء كان ذلك على المستوى الافريقي او المحلي.

اتوبونج وتوريه سوف يكونا امام جمهور لا يرحم ...واعلام كثيف متأرجح بين المدح (من اعلام الهلال) ..والقدح من (اعلام المريخ).

هذه الاشياء عاوزة تعقّل وتفهم من الاعلام الهلالي.

في يوليو القادم سوف يظهر توريه واتوبونج في مباريات رسمية.

وفي الشهر نفسه سوف ينازل الهلال انيمبا النيجيري.

تلك المواجهات تتطلب تعامل خاص من الاعلام الهلال والجمهور المتعطش لفريقه.

لذلك مفروض ما نشوق الناس.

وما نزيد الجرعة.

تعالوا ننسي (اتوبونج) شوية.

ونشوف موضوع (الحضري).

نحن الله يخلي لينا (الحضري).

وان شاءالله سيكافا تدوم ليكم.

ملحوظة : اتوقع ان يكون الباشا هدافا لبطولة سيكافا ..هو ومصعب عمر.

هوامش

الهلال غلب جولدي 9- 1.

هسه الجرايد تقول ليك الهلال يقدم السهل الممتنع.

وسادومبا.

واتوبونج.

يا جماعة نحن لو غلبنا الايامات دي الاهلي المصري 9 صفر ..عندنا كلام.

تقولوا لي جولدي.

تغلبوا لي جولدى تسعة ...المريخاب ديل ما برجعوا ليكم من تنزانيا.

الحضري بصر على الرحيل.

ما في زول بقعد ليكم يا ناس الهلال مع (تسعاتكم) دي.

هذه التجارب الضعيفة لا اعتقد انها سوف تفيد الهلال.

ميشو قال محتاج يلعب مباراة تحت المطر استعدادا لفريق انيمبا.

في نفس المؤتمر القال فيه الكلام دا.

ميشو قال ما بمشي يلعب مباراة في كينيا او اثيوبيا عشان (الخريف) والامطار.

دي ما في زول سبقك عليها يا ميشو.

يعني انت عاوز ليك (مطرة) صناعية.

زي مطرة الافلام الهندية.

ميشو عمل مؤتمر صحفي.

واتحدث في كل الاشياء.

وقال المجلس منعو من الكلام.

لو ما منعك كنت عملت شنو؟.

عودة اتوبونج وتوريه ضرورية للتوقيع في كشوفات الهلال واكمال قيدهما حتي يضافا لكشف الهلال الافريقي.

المريخ لاعب مع فريق يوغندي.

اخير جولدي.

وتاني لاعب مع فريق صومالي.

يا ربي بكرة البجيب اقوان المريخ العكسية منو؟.

الظاهر كدا ...والله اعلم...الباشا قرأ تصريحات الحضري في الجرايد.

اما مصعب عمر ..تقول عندو تار مع الحضري يا الرشيد علي عمر.

كلام الرشيد صاح ...الجماعة ديل قرروا يصفوا (الحضري).

مفروض الامين البرير يعلن عن حافز ضخم للاعب الذي سوف يسجل في شباك المريخ من لاعبي المريخ في مباراة القمة القادمة.

يا ريت لو كانت مباراة القمة في يوليو القادم.

كان ما ح يكون عندنا مشكلة في (الهجوم).

كنت برشح اهداف الهلال يسجلها اتوبونج وسادومبا ومهند وتوريه والباشا ومصعب.

الخير راقد.

من سوف يكون صاحب اخر هدف في شباك الحضري.

دفاع المريخ بتنافس على شبكة الحضري.

الحضري ماشي.

وبلة جابر عاوز يبصر.

تصوروا اهداف سيكافا كلها سجلوه لاعبو المريخ.

احسن هجوم في البطولة ..(دفاع المريخ).

دي سمعتوا بيها قبل كدا.

نحن ما سمعنا بيها.

ولا شفناها.

إلا في سيكافا.

غايتو سيكافا دي فيها جنس حاجات.

المريخ والمان الصومالي متين.

المباراة دي عندي ليها تغطية خاصة.

انتظرونا بس.

هانت الزلابية.

مسكين الحضري بعد التاريخ والسن دي ح يلعب ضد المان الصومالي.

صاحبكم بيحلم يلعب ضد المان يوناتيد الانجليزي في الدوري الانجليزي.

لكن ما في ليهو.

ح يلعب ضد المان الصومالي.

عاجل: الظاهر كدا الباشا بقي عندو (طموح).

المصدر: قوون (http://www.goansport.net/new/news/2011/06/29/235)

[محمد أحمد ابراهيم أبوغيدا]

سؤال بسيط لصاحب المقال الاخير وناقل المقال لم تم تاجيل مباراة القمة علما بان الاتحاد العام قال انه السنة دي الدوري ما حياجلو اي مباراة مهما كانت الظروف للاجابة يرجي الرجوع للكاروري
السؤال التاني كلهم سجلوا في الحضري ماعدا ؟؟؟؟؟؟؟؟؟؟؟؟ نرجو الاجابة هههههههههههههه
السؤال الثالث الباشا لاعب الوسط سجل في الدوري الممتاز سبعة اهداف والعجب رغم قلة المشاركة سجل خمسة اهداف تري اين لعيبة الوسط هناك خصوصا المعتقين ؟؟؟؟؟؟؟؟؟؟

[عبيد العوض]

يا التقى ماتفرح انت وجماعة الهلال والفريق الذى يستطيع ان يعادل لخصمه باقدام لاعبيه يستطيع ان يذيق الخصم طعم المر ونحن فى انتظار مباراة القمه وسترى الباشا ومصعب ماذا يفعلون بكم واما سيكافا فهى لنا وسنرى

[OMRAN SALAH]

الان وعلى قناة الشروق
الشوط الاول انتهى
واحد صفر للمريخ
بتمريرة جميلة من العجب

[الطيب الطاهر الشيخ]

< اتاريها الحكاية بايظة من كبارها.

< مباريات (السلم والثعبان).

< دا حق طمبل.

< الفريق كلو بقي هدافين.

< نحن ساكت كنا قايمين على (مصعب عمر).

< بننتقد في الولد ساكت.

< الولد طلع ما غلطان.

< غلطان المرحوم.

< سعيد السعودي كابتن الفريق سجل في شبكتو هدف عكسي.

< دا الكابتن بعمل كدا.

< كابتن الهنا والسرور.

< نجم الدين عبدالله يسجل هدف عكسي ...عادي ما في مشكلة.

< الولد جديد على المريخ.

< الباشا يسجل هدف عكسي في الحضري ...عادي.

< الباشا جا من الهلال.

< يكون متأثر بي هلاليتو.

< الباشا ما غلطان.

< يكون فاكر نفسو الي الان بيلعب في الهلال.

< في هلال الساحل طبعا ..ما هلال السودان.

< علميتو دي في الهلال الكبير ما بقدر يعملها.

< مصعب عمر يسجل هدف عكسي عادي.

< برضو عادي.

< الولد ما عندو خبرة.

< الما عادي ...(سعيد السعودي) كابتن فريق المريخ يسجل هدف عكسي في الحضري.

< زول بيلعب في المريخ 7 سنوات.

< اتخيلوا هيثم مصطفي (حفظه الله ورعاه) يسجل في شبكة المعز محجوب.

< دي ممكن تحصل.

< البرنس في التمرين ما بسجل في (حارس الهلال).

< عندو الحكاية دي عيب.

< بالمناسبة (باسكال) قالوا كان فاكر حارس مرمي الفريق اليوغندي (الحضري).

< عشان كدا سجل فيه.

< باسكال تهديفتو ضلت طريقها.

< يكون قاصد الحضري.

< الحضري دا حارس عالمي أي زول عاوز يجيب فيه قون ..عشان يقول انا جبت قون في الحضري.

< نجم الدين.

< الباشا.

< مصعب عمر.

< سعيد السعودي.

< الموضوع دا ما بفكو ليكم قريب.

< خلاص ح نخلى (الطابق التاني).

< وح نمسك في الجماعة ديل.

< الجماعة البسجلوا اهداف عكسية ديل.

< انتوا عارفين.

< الاستثناء في المريخ هو ان يسجل (مدافع) المريخ هدفا في شباك الفريق الاخر.

< اما الطبيعي فهو ان تسجل (هدف) عسكي في شبكتو.

< الشبكة عيشتها تطير.

< مسكين الحضري.

< في مباراتين استقبلت شباكه ثلاثة اهداف.

< كلها نيران صديقة.

< يا الحضري ...(انت ما بتعرف صليحك من عدوك).

< وعدو عالم افضل من صديق جاهل.

< نحن زمان بنسمع بي حكاية (الباك صديق اللاين).

< هسع في المريخ لقينا الباك صديق شبكتو.

< انتوا ما عندكم (لاين).

< الجدعة دي ما درسوها ليكم.

< الكورنر دا ما سمعتوا بيهو.

< ناس الباشا ديل..ضيعوك.

< ودروك.

< الجماعة ديل كلهم شايتين ضدك.

< يكون ما عاجباهم الغرامة الدفعوها ليك.

< عشان كدا أي واحد عاوز يخلص غرامتو بي هدفو.

< الثلاثة اهداف سجلها مدافعين المريخ انفسهم.

< احصائية غريبة.

< المريخ في بطولة سيكافا سجل 6 اهداف.

< 3 في فريقين.

< و3 في المريخ.

< الاهداف الثلاثة التي سجلها هجوم المريخ في فريقين.

< سجلوها مدافعين المريخ في فريقهم.

< فيفيتي ..فيفيتي.

< ما فيش حد احسن من حد.

< نحن اي حاجة عندنا بي نظام.

< تصوروا الاهداف العكسية التي ولجت شباك الحضري اكثر من كل الاهداف العكسية التي ولجت شباك حراس المريخ السابقين بهاء الدين واكرم الهادي سليم وايهاب زغبير.

< اهداف العلامة الكاملة.

< ما في حاجة عملتها فيكم غير العلامة الكلامة.

< فيفيتي ..فيفيتي.

< الحضري الي الان ورغم انه لم يكمل الـ (6) شهور في المريخ استقلبت شباكه من النيران الصديقة فقط (4) اهداف.

< 4 اهداف عكسية.

< قلت ليكم قبل كدا.

< نجم الدين (الدوري الممتاز).

< الباشا ..(سيكافا).

< مصعب عمر (سيكافا).

< السعودي ..(سيكافا).

< مباراة المريخ والمان الصومالي العين على (بلة جابر).

< يلا بلة...اتذكر انو البدري كان موقفك.

< اتذكر الحاجات الكعبة كلها ..وسجل في الحضري.

< قالوا ليك بلة جابر بتدرب على العكسيات.

< ما عشان يطلعها.

< عشان يسجلها في (الحضري).

< دي فرصة تاني ما بلقاها.

< خاصة وانو الحضري ماشي.

< انا اول مرة اشوف الحضري (زعلان) كدا.

< المسكين عاوز (يطق).

< يلقاها من منو وإلا منو؟.

< يقفلوا الباشا ...مصعب يدور من هناك.

< يراقبوا مصعب عمر ...يظهر (سعيد السعودي).

< وبلة جابر دا لو سرحو منو بسجل.

< زول ما مضمون.

< اوعكم تفكوا مراقبتو.

< بالله المحترفين في المريخ بقي عينهم على التيم اكتر من الوطنيين.

< المحترفين (الاجانب) يسجلوا للمريخ.

< والوطنيين يسجلوا في المريخ.

< هيع.

< عفارم عليكم.

< (الوطنيين) قلبوا.

< باعوا القضية.

< الظاهر الجماعة ديل مع (الانفصال).

< مع الحركة.

< عشان كدا بقوا يهدفوا في الحضري.

< دا شغل انتقام عديل كدا.

< دي ما اهداف عكسية والسلام.

< الشغل دا مقصود.

< قالوا ليك الحضري قالوا ليهو انت لعبت في الاهلي المصري وفي سيون السويسري وفي الاسماعيلي وفي الزمالك وفي المريخ ..من هو اخطر مهاجم قابلك.

< الحضري ما كذب.

< قال ليهم : (سعيد السعودي).

< لكن مصعب عمر اخطر منو في (العكسيات).

< امس حاولت اجد روليت الهدافين لبطولة سيكافا.

< ما لقيت الروليت.

< اجتهدت ..شوية كدا وطلعت لي روليت براي.

< كلتشي..هدف.

< سكواها ..هدف.

< باسكال ..هدف.

< الباشا ..هدف.

< مصعب عمر ..هدف.

< سعيد السعودي ..هدف.

< ما شاءالله.

< من بين هذه الاسماء من هو (المهاجم) الذي تتوقعه ان يكون هدافا لسيكافا.

< انا من ناحية (حسابية) بتوقع (سعيد السعودي).

< السعودي بتميز على كلتشي في (الثبات الانفعالي).

< وبتميز على سكواها بالخبرة.

< وبتميز على باسكال بالنزعة الهجومية.

< عشان كدا سعيد السعودي سوف يكون هدافا لبطولة سيكافا.

< قالوا ليك واحد ..قالوا ليه ما هو توقعك لنتيجة مباراة المريخ والمان الصومالي.

< زولكم طوالي قال ليهم بتوقعها 3- 3.

< اهداف المريخ ما عارف البسجلها منو؟.

< لكن اهداف المان الصومالي بسجلها السعودي ومصعب والباشا.

< الواحد بقي يعرف هدافين المان الصومالي اكتر من هدافين المريخ.

< الليلة لو اتسجل في المريخ هدف عكسي ..إلا تقلبوا (النادي) كافتريا.

< المريخ والمان الصومالي.

< دي نهائي مبكر.

< نهائي بين الطيشين.

< فريق عندو نقطتين.

< وفريق ما عندو ولا نقطة.

< الحضري قال ما عندو مشكلة وما خايف من هجوم الفريق الصومالي...لكن في نفس الوقت قايل خايف من دفاع المريخ.

< قالوا ليك المراقبون لهذه البطولة (الميتة) رشحوا النجم (مصعب عمر) وهدفه في حارس افريقيا الاول كاجمل هدف في البطولة.

< الباشا عندو 6 اهداف في الممتاز وهدف في سيكافا.

< الاهداف التي سجلت في شباك الحضري في سيكافا هي ضعف الاهداف التي سجلت في المريخ في الممتاز.

< بمعني ان الحضري في مبارايتين استقبلت شباكه 3 اهداف وهي ضعف ما استقبلته شباك الحضري في 12 مباراة.

< ملحوظة : غايتو يا الحضري في الدنيا دي (اتبهدلت) جنس بهدلة...الله يلعن (الغرامة) الزلوك بيها دي.

هوامش

< عارفين ابوجريشة كان (بحنس) في حسام البدري بقول ليهو شنو عشان يطلع؟.

< كان بقول ليه : بجيب ليك (تورتة) يلا اطلع ...فاااالح.

< والبدري قال ما بطلع.

< عليك الله ...ما تفضحنا مع الهلالاب.

< البدري قال ما بطلع.

< اطلع ..

< ما بطلع.

< مجاهد مسكين مع (التورتة) قال للبدري بنجيب ليك (تفاح).

< تفاح في عينك.

< البدري لمن نادوا ليهو اسامة عطا المنان ..بعد كدا طلع.

< ما قلت ما بتطلع.

< دا كلو من (التورتة).

< خبرتو طبع الجماعة.

< بعدين انتوا تعالوا هنا الحضري دا بكورك في السعودي كدا ليه؟.

< انا اول مرة اشوف لي (كابتن) بكوركوا فيه كدا.

< انت يا اخوي كابتن شنو؟.

< انتوا عارفين الهلال لعب ضد كفر الشيخ الذي يحرس مرماه حارس بلغ الخمسين؟.

< عشان الهلال في الممتاز ح يواجه المريخ.

< والمريخ برضو حارسو بلغ (الخمسين).

< خلاص عاوز تزيدها عشر سنوات مرة واحدة.

< الليلة اتوقع الهدف العكسي يسجلو (الحضري) ذاتو.

< قال ليهو الكورة انتهت كم؟.

< قال ليهو : 2 – 2.

< قال ليهو: الجاب الاقوان منو؟.

< قال ليهو : كلتشي وسكواها ومصعب والباشا.

< قال ليهو : انت المريخ كان لاعب ضد المريخ.

< دا كان في مباراة المريخ الاولي امام الشباب التنزاني.

< في المباراة الثانية ..قال ليهو اها الكورة انتهت كم؟.

< قال ليهو : 1- 1.

< قال ليهو الجاب الاقوان منو؟.

< قال ليهو : السعودي وباسكال.

< قال ليهو : تاني المريخ لعب ضد المريخ.

< سيكافا دي كلها (مريخ).

< المان الصومالي ما عندو (هجوم).

< لكن دفاع المريخ ما بقصر.

< عشان كدا الكورة دي (خطرة) على المريخ.

< مفروض الحضري في التمرين يتدرب على الكور العكسية.

< اقصد الاهداف العكسية.

< عاجل: بشرى لجماهير المريخ اليوم باسكال سوف يقوم بمراقبة السعودي.

[اباذر ود الفكي مصطفي]

الله يحفظ الهلال المرة دي بالذات عشان عيون الحساد حا تصيب .