المساعد الشخصي الرقمي

مشاهدة النسخة كاملة : كم 00 مرة

عبيد عبدالرحيم ودالجعلى
10-07-2011, 02:49 AM
كم مرة قبل اليوم
قلت انك جااى
خليتنى بيك افرح
وجيرانى حتى معاى
لكنك لسة ما جيت
وانا هسه قاعده براى
الشوق فينى يحوم
قولى انت كيف الراى0
كمال دفع الله محمد
10-07-2011, 09:12 AM
الرأى .... هو الصبر و الانتظار
شمس الدين بشرى
10-07-2011, 01:49 PM
قولى كيف الرأى ...؟!
لسه بيناتنا المسافة والعيـون واللهفة ..!
عبيد عبدالرحيم ودالجعلى
18-07-2011, 01:28 AM
لكم التحية والتقدير خال كمال والرقيق شمس0 وشكرا على مروركم0
المهدي ابراهيم المهدي
18-07-2011, 10:38 PM
أقول ليك رأي !؟؟؟
كلما طال إنتظارك
زاد الشوق واللهفه
كل شوية أخدي ليك وقفة
أبكي بحرقة ردي إعتبارك
رضي علي نفسك
ما هي الأيام بكرة بتجيبو
وقتها أنفشي فيهو
ومن التقيل أديهو
المبني علي الكضب
بنهد قريييب
دا مني ليك رأي
أنا وفردتي المعآي
مع تحياتي . ودبتول
عبيد عبدالرحيم ودالجعلى
21-07-2011, 09:16 AM
ودبتول سلام اولا بشكرك على رايك0 وبقول ليك الجمرة بتحرق الواطيها0
وشكرا لك ثانية على مرورك0
المهدي ابراهيم المهدي
21-07-2011, 06:25 PM
بارك الله فيك وجزاك الله ألف خير أخي الكريم / عبيد

ما كل الجمر جمر
ما كل الامر أمر
الرأي إن تلف
الأخوة بتختلف
والسخانة تصل ألف
مافي وآحد بالغلط بعترف
ولا بتراجع يعتذر
الدم يصل الركب
القرابة ينسوها تب
أجاويد ويمر كم عيد
لا عفو ولا عافية
إنقسم الضهر
وإستفحل الامر
العداوة تستمر كم سنة
ويتوارثوها لي جنى الجنى
برضو تقول الجمر جمر!؟
والأمر هو نفس الأمر!؟
مع تحياتي . ودبتول
عبيد عبدالرحيم ودالجعلى
22-07-2011, 12:03 AM
ود بتول كيف حالك يا اخوى وشكرا على ردودك المرحة0 بس عندى مقلب حديث
بسيط بدور اقولوا ليك000 وجيب انت ردوا0
يا ودبتول هاك قولى00
ما كل البنكسر بصلح
وما كل شاطر بنجح
العوقة العوير كان سوة
ليهو0000000 قروش
بكرة يجيك وعليك يتبجح
والزول ان كان فقير
حتى الكلاب تسكوا وفيهو
بتنبح0
والشين القبيح فى طبعو
محال فى يوم وليلة يسمح0
والرازقوا الكريم من عندو
كان باع التراب يربح0
ودالجعلى
المهدي ابراهيم المهدي
22-07-2011, 12:51 AM
لك التحية وبشكرك كتير
يا عبيد أخوي أنا برتجل ردودي غالباً
وإنت ختيتني في وضع صعب شديد والسبب إني تركت الكتابة الشعرية وإنصرفت عنها برغم من تواجدها بصورة وآضحة في مشاركاتي وردودي البسيطة في بعض البوستات البحس إنها كويسة ولطيفة .
المهم أحاول أرد عليك بما يتوافق مع ما كتبت إنت حسب فهمي للمقطع المذكور. فلا تلمني إن فلت لساني .
يا ود الجعلي هاك قولي
صح ما كل البنكسر بتصلح
ولا كل شاطر بنجح
العوقة العوير بقروشو
دآير يشتري الفلاحة
لما يتبجح عليك بحس بالرآحه
ودا الفرق بينك وبينو
الفقر مع الطاعة ما عيب
والكلاب أبعد منها فارق ليها الدريب
إن خرب الطبع
بتبشتن الوضع
وتتفقد حاجات كتيرة ما بتتجمع
ويسحيل سيدها يسمح
لو مع سيدنا يوسف رضع
الرزق من الله والعبد الشكور
المستفغر الصبور
هو الفائز مال وبنين
جنان وحور
.......... ودبتول ...........
تجارة التراب مربحة في الوقت الحالي .أتمنى أن أكون رديت ما يفيد المعنى .
مع تحياتي . ودبتول
عبيد عبدالرحيم ودالجعلى
22-07-2011, 02:11 AM
ودبتول سلام
0كتيرة منك تب وما قصرته
وتحياتى ليك وين ما كنت
معروف فيك الكرم ماك بخيل البتة
وكريما ود كريم وكانى فيك ما قلته
تشهد صافية ديك بيهومن ما قمته
بتقابل الضيوف طربان0 وقولك
على الدوام مرحب حبابك الف
اتفضل جاااااااااااااااى شرفته0
ودالجعلى
المهدي ابراهيم المهدي
22-07-2011, 02:18 AM
ودبتول سلام
0كتيرة منك تب وما قصرته
وتحياتى ليك وين ما كنت
معروف فيك الكرم ماك بخيل البتة
وكريما ود كريم وكانى فيك ما قلته
تشهد صافية ديك بيهومن ما قمته
بتقابل الضيوف طربان0 وقولك
على الدوام مرحب حبابك الف
اتفضل جاااااااااااااااى شرفته0
كتر خيرك كتير . ولي الشرف بمعرفتك يا عبيد
لكن أنا من كتفيه .
وليك ألف تحية . ودبتول
عبيد عبدالرحيم ودالجعلى
22-07-2011, 03:01 AM
لك التحية ودبتول0ولا اختلاف بينهما وكلاهما بالنسبة لى بلد واحد0 ولى فيهما
احباب كثر0 ولا سيما اخوانى الكرام0 عادل ابرعد0 وعاصم بريش0 والجاسونى0
فلهم منى التحية ودمتم جميعا0
المهدي ابراهيم المهدي
22-07-2011, 11:10 AM
لك التحية أخي الكريم / عبيد
نحن بنحب نقول صافية كتفيه بكل رضا حتى لا يحصل خلاف. إنت لو قلت صافيه كتفيه بقبلا حتى لو انا من كتفيه لكن لما تقول لي انت من صافيه بس بحاول أصحح ليك المعلومة أنا من كتفيه وأخوانك الأكارم معانا في كتفيه .
وإن شاء الله ما يحصل خلاف آميييين .
مع تحياتي . ودبتول
عبيد عبدالرحيم ودالجعلى
23-07-2011, 08:59 AM
ود بتول لك التحية0 ولا ازيد على ما قلته انت اخيرا فى تعقيبك مع الشكر0