محمد برقاوى
15-07-2011, 05:44 PM
الي الشاعر الصاعد بقوة عبيد الجعلي..مع التحيات..
***
أحدي الحسان وهن طبعا يغرهن الثناء قرأت لي ابياتا كتبها فيها أحد الشعراء واصفا اياها حسنا وجمالا وطعما بالسكر..وسألتني عن رأي ..
قلت لها فيك أم في القصيدة ؟..قالت الأثنين..
فقلت لها من ناحية القصيدة فقد ظلمك الشاعر وأنصف السكر ..أما انتي فسأجيبك بابيات لاحقة..
..فكتبت هذه الحروف شبه الحلمنتيش و الخجولة في طرافتها علي عجل ..ولكّن للأسف لم التقيها من بعد ذلك .. اهديها اليك شاعرنا المجتهد عبيد الجعلي ربما تلهمك بشيء تضيفه اليها من شاعريتك المتوقدة..
ولك مودتي.. برقاوي..
***
**
*
الزول القال ..في وصفك..وقصّر
كيف يا غالية ....عليك يتمسخر
يوصّف طعمك ....بس بالسكر
أصلو حلاوتك ..مابتّتقدر..
ومعني طعامتك كيف يتفسّر
انتي القصب الفرهد وخدّر
سهران ليلو غفيرك ينهر
وموية نيلو عليك تتقطر
انتي الأصل وفيك المصدر
ومنك كان جد فرع السكر
البالغ..وشاتر وكابر ..أنكر
لما .. أتجنى..ورفع السكر
في شريّانا ...الكاد يتفجر
وقال بس طعمك زى السكر
يبقي مسيخ ..قط مابتّشكر
ماش في دربك ليه يتعثّر
أحسن يفحص نظرو ..الودّر
فاكر نفسو ... عليك بتنّدر
عامل شاعر..وقلّد عنتر
جرح الريشة وأدمى الدفتر
ما كان عارف حرفو مبعثر
تلفان فهمو ..وشعرو مكسّر
شحمان ذوقو ..وفاقد بعشر
لو سكران أو عقلو مخدّر
يكون معذور لو تاب واستغفر
***
**
*
***
أحدي الحسان وهن طبعا يغرهن الثناء قرأت لي ابياتا كتبها فيها أحد الشعراء واصفا اياها حسنا وجمالا وطعما بالسكر..وسألتني عن رأي ..
قلت لها فيك أم في القصيدة ؟..قالت الأثنين..
فقلت لها من ناحية القصيدة فقد ظلمك الشاعر وأنصف السكر ..أما انتي فسأجيبك بابيات لاحقة..
..فكتبت هذه الحروف شبه الحلمنتيش و الخجولة في طرافتها علي عجل ..ولكّن للأسف لم التقيها من بعد ذلك .. اهديها اليك شاعرنا المجتهد عبيد الجعلي ربما تلهمك بشيء تضيفه اليها من شاعريتك المتوقدة..
ولك مودتي.. برقاوي..
***
**
*
الزول القال ..في وصفك..وقصّر
كيف يا غالية ....عليك يتمسخر
يوصّف طعمك ....بس بالسكر
أصلو حلاوتك ..مابتّتقدر..
ومعني طعامتك كيف يتفسّر
انتي القصب الفرهد وخدّر
سهران ليلو غفيرك ينهر
وموية نيلو عليك تتقطر
انتي الأصل وفيك المصدر
ومنك كان جد فرع السكر
البالغ..وشاتر وكابر ..أنكر
لما .. أتجنى..ورفع السكر
في شريّانا ...الكاد يتفجر
وقال بس طعمك زى السكر
يبقي مسيخ ..قط مابتّشكر
ماش في دربك ليه يتعثّر
أحسن يفحص نظرو ..الودّر
فاكر نفسو ... عليك بتنّدر
عامل شاعر..وقلّد عنتر
جرح الريشة وأدمى الدفتر
ما كان عارف حرفو مبعثر
تلفان فهمو ..وشعرو مكسّر
شحمان ذوقو ..وفاقد بعشر
لو سكران أو عقلو مخدّر
يكون معذور لو تاب واستغفر
***
**
*