الشاعرة رقية ترثي أخيها ود حبوبة

[وجدان حسان عبد الله محمد]

بتريد اللطام اسد الكداد الزام (http://www.halaween.net/forum/showthread.php?p=285#post285)
بتريد اللطام اسد الكداد الزام
هزيت البلد من اليمن للشام
سيفك للفقر قلام
تيّم فى التقر انصارو منزربين
بالصفا واليقين حقيقة انصار دين
بالحرب ام طبائق قابلوا المسكين
فى وش المكن رقدوا التقول نايمين

تيّم فى التقرانصاروا زاربنوا
بعهدوا القبيل بعيسى تاهمنوا
اتلموا العمد ليهم نقر سنوا
الهوج والشرق طار المنام منوا

تيّم فى التقر قال العمير للسوم
القوى والضعيف من عينو طار النوم
الكفرة النجوس ما بختوا من اللوم
حجرت الدرب خليت جمالم تحوم

الاسد النتر وقال الدين منصور
لمولوا الاورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمامور

الاسد النتر بى جيهة الابقار
لمولو الاورط شايلين سلاح النار
ود حبوبة قام ورتب الانصار
فى كتفية ديك كم شبعن صقار

الاعلان صدر واتلمت المخلوق
بى عينى بشوف اب رسوة طامح فوق
كان جات بالمراد واليمين مطلوق
ما كان بنشنق ود اب كريق فى السوق

بتكلم بقول بوريك مين حسبوا
نايبو السنين منّو الرجال حسبو
الاعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من ابوك
ماك ود حرام دجال

[OMRAN SALAH]

للشاعرة رقية ولأخيها البطل عبد القادرود حبوبة الرحمة والمغفرة .

لك من الشكر أجزله أختنا وجدان

[ابوعلامه عبدالله الصافي]

الواعي ما بوصو

من أمس الضحى
تورى أب زنود ساقو
يتور بقر الجواميس العليك الرك
يا عقد الحديد للحلبي ما بتنفك
تورك يا أم رشوم فى الحلق عشرق
دقيت الجسر وحاجر مشارع الحق
****
غنيت وجبت مسدار
المكنه بتكاكي وجنن مدافع النار
لفوك يا رحل الكحل دلوك ما بتندار
أمانه يا صقر ما تفرشت ليك برجال
****
غنيت وجبت نمك
بجر القول عليك يا مقنع الكاشافات
أسد الخلا الحجّر اليايات
ساقوك للشنق
يا أبو آمنه حوبتك جات
****
غنى وشكّرى يا خضرة الجّموح
طلع لي عشاري الليله مسكو يفوح
ما خطف البدينقه وما جفّل مجروح
سيفو بيأخد الخوذه ومعاها الروح
****
أمك ولدتك ما ولدتهم إتنين
تسلم يا تلبي البكيل العين
حالف يمين ما يكون بين البين
دقيت الجسر لى متعة الحيين

[رندا الطيب عبد المحمود]

لكم جميعاً الشكر
ولك كل التحايا اخت وجدان وانت تفتتحين منتدي الشعر بمرثية ودحبوبة للشاعرة رقية محمد ادريس ودحبوب هكذا دائماً انتم ابناء الحلاوين

[عوض الكريم عثمان عمر]

-
http://www.youtube.com/watch?v=mcA9sRCnfSM&feature=related
-

[جمال محمد ابراهيم]

تسلم بت الضقالة ولك الود والتجلى اخى عوض الكريم عثمان عمر

[شمس الدين بشرى]

رقية لاترثى ـ بل تفخـر بحزن طاهر باليقين ..!
كما بكت خناس صخـر ...!

[سمل الحلفاوى]

التحية لشاعرة السودانية رقية واهنئك على القصيدة الجميلة

[راشد يس وقيع الله]

تعالوا لنعلم ابنائنا الفراسه وحب اللطام والصدام ان صروح المساجد لا تبنى الا بالجماجم والطريق الى الحق لا يعبد الا بالاشلاء والدماء لم يهاجر ودحبوبة لجلب المال او الحرير ولم يتباكى فى تجمعات القرى اوميادين الحضر انما عارك الدخيل حتى كان فى الله مصرعه ونحسب انه شهيد تعالوا انا وانتم وهم واخرين لكى نربى اجيال لاتعرف الخنوع ولنعترف باننا جيل سلبى