محمد برقاوى
03-08-2011, 02:14 PM
جرحين فى قلب
***
انا وانتى جرحين فى قلب ..
اتلاقو فى نص الدرب
جرحى السخين مل التعب ..
وجرح السنين منك تعب
انا وانتي جرحين في قلب
***
راحل جريح .لاحقانى ريح..
بلسم شقاى محراب جمال
داخل على الليل ...الفسيح
بعد الهجير الياما ... طال
كيف استريح و الشوق صريح ..
وصورتك عيون سايقه الخيال
ضجرك أنين فى جناح كسيح ..
وهمك رنين .......فى كبدي قال
أنا وانتى جرحين فى قلب
***
بشوف الغفلة تاهت..بيك
ودربك غادى .. مستنيك
فضح سهرك شحوب خديك ..
وخوف الوحشــه فى عينيك
سكون الدهشــه بادى عليك ..
لهيب الرعشـه فى كفيك
ملامحى لقيتا بانت فيك ..
صداى من تانى ردد ليك
أنا وانتى جرحين فى قلب
***
نحيبك صحى خيط فجرى ..
لمس نبضك هتاف صدري
لثم جرحك طرف وتري ..
رسم فى همسـة خط سفرى
وسط سكتنا اتلاقينا..
دليل الريد شبك... ايدينا
وصى علينا غيمه حنينة..
سرحنا وفوق جروحنا مشينا
أنا وانتى جرحين فى قلب
***
دولة الامارات العربية المتحدة/ العين.. فبراير 2003
***
انا وانتى جرحين فى قلب ..
اتلاقو فى نص الدرب
جرحى السخين مل التعب ..
وجرح السنين منك تعب
انا وانتي جرحين في قلب
***
راحل جريح .لاحقانى ريح..
بلسم شقاى محراب جمال
داخل على الليل ...الفسيح
بعد الهجير الياما ... طال
كيف استريح و الشوق صريح ..
وصورتك عيون سايقه الخيال
ضجرك أنين فى جناح كسيح ..
وهمك رنين .......فى كبدي قال
أنا وانتى جرحين فى قلب
***
بشوف الغفلة تاهت..بيك
ودربك غادى .. مستنيك
فضح سهرك شحوب خديك ..
وخوف الوحشــه فى عينيك
سكون الدهشــه بادى عليك ..
لهيب الرعشـه فى كفيك
ملامحى لقيتا بانت فيك ..
صداى من تانى ردد ليك
أنا وانتى جرحين فى قلب
***
نحيبك صحى خيط فجرى ..
لمس نبضك هتاف صدري
لثم جرحك طرف وتري ..
رسم فى همسـة خط سفرى
وسط سكتنا اتلاقينا..
دليل الريد شبك... ايدينا
وصى علينا غيمه حنينة..
سرحنا وفوق جروحنا مشينا
أنا وانتى جرحين فى قلب
***
دولة الامارات العربية المتحدة/ العين.. فبراير 2003