محمد برقاوى
06-08-2011, 12:02 PM
يلا تعالو..!
***
شعر / محمد عبد الله برقاوي..
****
سيل الذكرى الهاتف وحالف..
دحرج كتُل الهم ..الجارف..
وساكن سكك..الوسن.
الواجف وصارف..
***
وهج الأمل اتراجف..
خاطرو مكسر..
حاول يزحف الا اتعثر..
جوة الفجوة الوقفت بينه
وبين العين..
المدت سيرا تجابد..
وتجذب خيط الغمدة
الشارد غادي..
سرح في وادي ..
ونحن... ف ... وادي..
***
حرف القسمة الفينا مسطر..
حدد يوم العمر الأغبر..
أجلا.. محتوم..
مع انه كتابا..غير معلوم..
لكنّ همجية القلم الشوم..
حاكمانا نموت قبال اليوم..
بالظلم الواقع ..
والجهل الشايع..
وأصبح واقع..
والحيل واقع..
حملو .. مواجع..
والحس مكتوم..
***
هاج مكنون الزفرة وكتح..
لملم جيش القلق الهايم..
في جدران الروح ومبطّح..
سحسح باقي الفرحة وروّح..
في أقدام الظُلمة..
البلعت لمض النفق الغاير..
في أعماق مجهول الحاضر..
وعتمة باكر..
***
الخفاش الدخل أسراب ..
من شُباكنا وتحت الباب..
زاد الطين زلليقة وبلة..
يحلنا منو الحلّ كتاف..
مكروبة الذلة ..
وخلّص بله..
***
المهوس الكايس الجنة..
جوة حريق البلد الجنّا..
من أهوالو ومن ثغرات..
فتحوها عيالو..
ظنّ صبرنا عليهو محنّة..
***
وصدقوا زمان..
شعرانا القالوا..
مافي وطن بضيق برجالو..
بس اخلاق الناس بتضيق..
بي اوطانا .. وترخي لسانا..
لي زول هانا.. وشدّ أضانا..
***
اتقسم خير الناس كيمان..
حقرتنا كتايب بالأحزان..
أقزام تستعرض في الميدان..
وتذل عملاق..صنع الأزمان..
والسوط يسترجل في النسوان..
شباب مقهور ..حايم عطلان..
وصغير مرفود ..هايم حفيان..
وتاريحنا الكان .. وياما كان..
وقف محزون..يندب حيران..
يلعن في الكاهن ..والشيطان..
وفي اللابس الكاكي والقفطان..
وفي الراجي الغرباء والجيران..
***
الشارع التاه خلف الجدران..
شايل رهق الذل الوان..
نزّل سرج الخيل عرقان..
تكل السيف .. عند الأركان..
ونام بركان الجبل الخامد..
حاتل راقد ليه فتران.
***
قال المغرور الشمه أباطو..
ياخايفين.. انبطحوا.. و طاطو..
لسه تشوفو ..وياما تجوعو..
برشنا كبير قطّعنا ربوعو..
المامبسوط ..يلحس كوعو..
هدد وصاح.. شايفنا مراح..
الراجل..اقوم..
يحلم في النوم..
يزيح تمثالو..
أو يتجاسر .. ابّدل حالو..
***
كبرّ في الناس الكارهة وصالو..
وقف منفوخ .. .هلل دجالو..
هو الغافل .. وقال.
بي سماحة الدين..تمّ هلالو..
اتفشر .. عاد.. فوق المعقول..
والكل صابرين بى سكات القول..
..ساخرين على طول..
وليه الخوف من زول ..جهلول..
هراط....مخبول..
سارح في خيالو..
مهما يكابر..يصول ويجول
.. .. حتما مسحول..
بي خطاوي فعالو..
ولو كان جقلب..أو اتقلب
عرضا أو وطول..
ومهما كضب..
رايح يستغرب..
من صمت الكان..
ساكت مغلوب..
هادىء مهذب
بكرة بيشرب..
أكبر.. مقلب..
تخيب آمالو..
يخجل من حالو..
و مبلول سروالو..
جد بالمقلوب ..
زي المركوب..
لابساهو نعالو..
***
يلا تعالوا..
****
**
*
5/8/2011
***
شعر / محمد عبد الله برقاوي..
****
سيل الذكرى الهاتف وحالف..
دحرج كتُل الهم ..الجارف..
وساكن سكك..الوسن.
الواجف وصارف..
***
وهج الأمل اتراجف..
خاطرو مكسر..
حاول يزحف الا اتعثر..
جوة الفجوة الوقفت بينه
وبين العين..
المدت سيرا تجابد..
وتجذب خيط الغمدة
الشارد غادي..
سرح في وادي ..
ونحن... ف ... وادي..
***
حرف القسمة الفينا مسطر..
حدد يوم العمر الأغبر..
أجلا.. محتوم..
مع انه كتابا..غير معلوم..
لكنّ همجية القلم الشوم..
حاكمانا نموت قبال اليوم..
بالظلم الواقع ..
والجهل الشايع..
وأصبح واقع..
والحيل واقع..
حملو .. مواجع..
والحس مكتوم..
***
هاج مكنون الزفرة وكتح..
لملم جيش القلق الهايم..
في جدران الروح ومبطّح..
سحسح باقي الفرحة وروّح..
في أقدام الظُلمة..
البلعت لمض النفق الغاير..
في أعماق مجهول الحاضر..
وعتمة باكر..
***
الخفاش الدخل أسراب ..
من شُباكنا وتحت الباب..
زاد الطين زلليقة وبلة..
يحلنا منو الحلّ كتاف..
مكروبة الذلة ..
وخلّص بله..
***
المهوس الكايس الجنة..
جوة حريق البلد الجنّا..
من أهوالو ومن ثغرات..
فتحوها عيالو..
ظنّ صبرنا عليهو محنّة..
***
وصدقوا زمان..
شعرانا القالوا..
مافي وطن بضيق برجالو..
بس اخلاق الناس بتضيق..
بي اوطانا .. وترخي لسانا..
لي زول هانا.. وشدّ أضانا..
***
اتقسم خير الناس كيمان..
حقرتنا كتايب بالأحزان..
أقزام تستعرض في الميدان..
وتذل عملاق..صنع الأزمان..
والسوط يسترجل في النسوان..
شباب مقهور ..حايم عطلان..
وصغير مرفود ..هايم حفيان..
وتاريحنا الكان .. وياما كان..
وقف محزون..يندب حيران..
يلعن في الكاهن ..والشيطان..
وفي اللابس الكاكي والقفطان..
وفي الراجي الغرباء والجيران..
***
الشارع التاه خلف الجدران..
شايل رهق الذل الوان..
نزّل سرج الخيل عرقان..
تكل السيف .. عند الأركان..
ونام بركان الجبل الخامد..
حاتل راقد ليه فتران.
***
قال المغرور الشمه أباطو..
ياخايفين.. انبطحوا.. و طاطو..
لسه تشوفو ..وياما تجوعو..
برشنا كبير قطّعنا ربوعو..
المامبسوط ..يلحس كوعو..
هدد وصاح.. شايفنا مراح..
الراجل..اقوم..
يحلم في النوم..
يزيح تمثالو..
أو يتجاسر .. ابّدل حالو..
***
كبرّ في الناس الكارهة وصالو..
وقف منفوخ .. .هلل دجالو..
هو الغافل .. وقال.
بي سماحة الدين..تمّ هلالو..
اتفشر .. عاد.. فوق المعقول..
والكل صابرين بى سكات القول..
..ساخرين على طول..
وليه الخوف من زول ..جهلول..
هراط....مخبول..
سارح في خيالو..
مهما يكابر..يصول ويجول
.. .. حتما مسحول..
بي خطاوي فعالو..
ولو كان جقلب..أو اتقلب
عرضا أو وطول..
ومهما كضب..
رايح يستغرب..
من صمت الكان..
ساكت مغلوب..
هادىء مهذب
بكرة بيشرب..
أكبر.. مقلب..
تخيب آمالو..
يخجل من حالو..
و مبلول سروالو..
جد بالمقلوب ..
زي المركوب..
لابساهو نعالو..
***
يلا تعالوا..
****
**
*
5/8/2011