رحلة.. ريد..

[محمد برقاوى]

رحلة.. ريد..
***
محمد عبد الله برقاوي..
***
ما رميتك... بالظنون..
أو أجرحك..ده المابكون..
هاجرت من مدن الضجيج
كان ألقي في عيونك سكون
***
انا ما اصطفيتك.. اعتباط..
ولا بهين.. الارتباط..
وبرضو عارف .. يافتون..
يا ملهم الفن واللحون
في اهتمامك ما بكون
لمحة في طرف العيون
أو أبقي في ترف المجون
زي مجرد ..احتياط
***
ولسه واثق دون جدال
يا ومضة مرت في عجال
قبال تبين لي السمات

ما بتبيع أنت الصلات
لأني أهديتك ...جمال
من خاطري في الزمن المحال
وهزمت ليك سكك ارتحال..
فرشت ليك رمش الدلال
رسمت في افق الخيال
لي ..وصالك.. أمنيات
***
و شكرا كتير على كل حال..
على رحلة . الريد ..الحنون
الفيني صبحت ذكريات
منقوشة في زمني الخؤون
يا ومضة سكنت في العيون
وفرحة.. في ليل الشجون
***


العين ..دولة الامارات العربية المتحدة
الاثنين 7/2/2011