طريتك ليل..
وبرقا في المشارق لال
وبلل العينه زي دمعي المحقن شال
طريت الطيبه طيبت امي
طريت فرحي وطريت المي
وطريت همي وريده اهل الفريق للقال
طريت الناس وظلم الناس
رضيت ي دنيا شلت احزاني فوق الراس
اكان ي دنيا تنجمي
قالو البسمه للتانين ودمعك ليك وبيك وناس
وعرق الطيبه عند اهل الحنين دساس
بدور ي ناس
بدور متل الخريف ماعاد بعد غرب
متل ناس الله مابتفرح بدووور افرح
وبعد الصبنه والسفاي
وجلدا في العضم كرب
يجيني رشاش واشم الطين
واكج حرماني فنجان ريده للغاشين
بدووور افرح
واقوم ي ناس
بعد هودا فوق الصي
اعاود لي بلود الرب واتيقن
واشوف الرحمه شوف العين
يزول البي واقوم افرح
تشقشق فرحه الاطفال في الكون خير
وخضره
وضي
والحنيه مالاقيها من الناس اشيلا قصيد
وأسيها سبيل ...
سبيل للناس....
فرح يملي الحنين ري
اصلو الفرحه للتانين ودمعك ليك
وبيك وناس
وعرق الطيبه عند اهل الحنين دساس

.....